Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

05 մայիս 2021 15:32

Հեյդար Ալիևի արձանի վրա գրություններ թողած ադրբեջանցի ակտիվիստի դիակը գտել են Ստամբուլում՝ ծովի մեջ

Հեյդար Ալիևի հուշարձանի վրա Qul bayramınız mübarək! (Շնորհավոր ստրուկների տոնը) и Fu*k the system քաղաքական կարգախոսներ գրելու համար դատապարտված երիտասարդ ադրբեջանցի ակտիվիստ Բայրամ Մամեդովին մահացած են գտել Ստամբուլում: Այս մասին այսօր սոցցանցերում հայտնել են ակտիվիստի հարազատները:

Նրանցից մեկը՝ Էլգիզ Գահրամանը, Turan գործակալությանն ասել է. «Երկու օր է, ինչ Բայրամից լուր չկա: Մայիսի 4-ին ոստիկանությունն ինձ տեղեկացրեց, որ երկու օր առաջ ծովում դի են հայտնաբերել: Ոստիկանությունը դեռ չի հայտնել մահվան պատճառի մասին և քննարկում է մի քանի վարկածներ՝ ինքնասպանություն, դժբախտ պատահար և սպանության փորձ:

Ինձ ցույց տվեցին մահացածի լուսանկարը, նրա ինքնությունը հաստատվեց: Այսօր ես կմտնեմ դիահերձարան և նորից կնայեմ ՝ համոզվելու համար, չնայած լուսանկարը հստակ ցույց է տալիս, որ դա Բայրամն է, ես կասկած չունեմ»,- ասել է Էլգիզ Գահրամանը:

Հանգուցյալի մեկ այլ ընկեր`Ուլվի Հասանլին, նույնպես հայտնել է Բայրամ Մամեդովի մահվան մասին: Ֆեյսբուքյան իր էջում նա գրել է, որ Մամեդովի անհետանալուց հետո ընկերները դիմել են ոստիկանություն: Դրանից առաջ երեկոյան ոստիկանությունը հայտարարել էր դիակի հայտնաբերման մասին:

«Ընկերները փորձում են հասկանալ, թե ինչ է պատահել: Հուսով ենք, որ քննությունը կկարգավորի դա: Այս հարցով փաստաբան է վարձվել»,– նշել է նա։

Հիշեցնենք, որ Բայրամ Մամեդովը և Գիյաս Իբրահիմովը լայնորեն հայտնի դարձան այն բանից հետո, երբ 2016 թվականի մայիսի 9-ին քաղաքական կարգախոսներ գրեցին Բաքվում գտնվող՝ Հեյդար Ալիևի հուշարձանի պատվանդանին: Մի քանի օր անց նրանք ձերբակալվեցին և դատապարտվեցին, բայց՝ թմրանյութերի վաճառքի մեղադրանքով: Նույն տարվա հոկտեմբերի 25-ին նրանք մեղավոր ճանաչվեցին և ուղարկվեցին բանտ: 2019-ի մարտին նրանց ներում էր շնորհվել: Դրանից հետո Մամեդովը տեղափոխվել էր Ստամբուլ։

Մեկնաբանություններ


Համընկնող լուրեր