Եռաբլուրում զոհվածի հայրը թքել է Սասուն Միքայելյանի՝ իրեն պարզած ձեռքին
«Եռաբլուր» զինվորական պանթեոնում տհաճ միջադեպ է տեղի ունեցել Երկրապահ կամավորականների միության նախագահ Սասուն Միքայելյանի հետ:Մայիսի 8-ին, Եռաբլուր կատարած այցի ժամանակ, Սասուն Միքայելյանը որոշել է այցելել նաև Արցախյան երկրորդ պատերազմում զոհված տղաների գերեզմաններին:
Նա մոտեցել է շիրիմներից մեկին, որտեղ ծնողները սգալիս են եղել իրենց որդու մահը:
NEWSPRESS.am-ի թղթակցի փոխանցմամբ, Սասուն Միքայելյանը ձեռքը մեկնել է ծնողին՝ վերջինիս ձեռքը սեղմելու համար, սակայն զոհվածի հայրն իր ձեռքը ոչ միայն նրան չի տվել, այլև թքել է Սասուն Միքայելյանի ձեռքին:
ԵԿՄ նախագահի կողքին գտնվողներից մի երկուսը, հավանաբար հաշվեհարդար տեսնելու միտումով, կտրուկ առաջ են նետվել դեպի զոհվածի հայրը: Սակայն Միքայելյանը հետ է շրջվել և հեռացել՝ հասկացնելով, որ գան իր հետևից ու հանգիստ թողնեն ծնողին:
