Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

13 մայիս 2021 13:22

Հայաստանը կորցնում ենք.Հիմա կտոր-կտոր են սկսելու ՀՀ-ից պոկել

Ռազմական փորձագետ Կարեն Վրթանեսյանը ֆեյսբուքյան իր էջում գրում է․

«Եթե չեք հասկանում, թե ինչ է կատարվում, ապա փորձեմ ամփոփել շատ կարճ. թշնամին 3,5կմ-ով խորացել է ՀՀ տարածք, իսկ Նիկոլն ասաց, որ չի պատրաստվում որևէ լուրջ քայլ անել, բացի «բանակցություններից և դիվանագիտական միջոցներից»։

* * *
Նոյեմբերի 10-ից հետո կապիտուլյանտը պարալիզացրեց պետությունը, որպեսզի իշխանությունը պահի։ Ճիշտ նույն սկզբունքն է, ինչ և 2018-ին։

Զուգահեռ 6 ամսում քանդեց կառավարման ամբողջ համակարգը թե՛ ԳՇ-ում, թե՛ ՊՆ-ում, իսկ ՊԲ-ի մասին է՛լ չասեմ։

Սա տեսնելով՝ թշնամին, բնականաբար, լկտիացավ։

Նախ՝ մի քանի կետով խախտեց նոյեմբերի 9 եռակողմ հայտարարությունը (գերիներին չի վերադարձրել, Լաչինի միջանցքի 5կմ-ից մնացել է միայն ճանապարհի ասֆալտապատ մի քանի մետր լայնությամբ մասը, գրավել է Սյունիքի արևելյան սահմանների բարձունքները և Հայաստան-Իրան միջպետական ճանապարհի մի հատված, ինչը հայտարարությունում չկար)։

Այդ մարսելով ու տեսնելով, որ առջևում «ընտրություններ» անունով աղետն է, ադրբեջանցիները անցան հաջորդ փուլին. 3,5 կիլոմետրով խորացան ՀՀ տարածք։

Ու քանի որ Նիկոլը այսօր հայտարարեց, որ ըստ էության որևէ լուրջ դիմադրություն ցույց չի տալու (մեջբերում. «մեր առաջնային ծրագիրը բանակցությունների միջոցով, նաև դիվանագիտական եղանակներով այս խնդիրը լուծելն է»), նշանակում է, որ հիմա կտոր-կտոր սկսելու են ՀՀ-ից պոկել։

Այսինքն սրանով փորձեցին ռեակցիան ՀՀ իշխանությունների, տեսան, որ մարսում են և կարող են հանգիստ շարունակել։

Հայաստանը կորցնում ենք։ Ամեն ավել օր, որ այս կապիտուլյանտ անբարոյականները մնում են իշխանության, անդառնալի նոր կորուստներ ենք ունենում»։

Մեկնաբանություններ


Համընկնող լուրեր