Ինչպե՞ս վերացնել այտուցը, որո՞նք են այտուցի վտանգավոր պատճառները          Մոնտաժված ձայնագրության հիման վրա անհնար է սկսել վարույթի հարուցում․ Գագիկ Ջհանգիրյանը կարգապահական պատասխանատվության չի ենթարկվի․ ԲԴԽ       Տեսանյութ.Զավեշտալի է.Հունիսի 3-ի գործով 2 տղամարդ նույն բառերով ցուցմունք են տվել. որոշեցի գտնել սիամական երկվորյակներին    

14 մայիս 2021 14:58

Փաշինյանը Պուտինից օգնություն չի խնդրել. Պեսկով

Հայաստանի վարչապետի պաշտոնակատար Նիկոլ Փաշինյանն ուրբաթ օրը Ռուսաստանի նախագահ Վլադիմիր Պուտինի հետ կայացած հեռախոսազրույցի ընթացքում հետ չի քննարկել Ադրբեջանի և Հայաստանի սահմանին տիրող իրավիճակի հետ կապված Մոսկվայի օգնության թեման: Այս մասին, Tass-ի հաղորդմամբ, լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը:

«Ո՛չ, Փաշինյանը օգնություն չի խնդրել: Իհարկե, հայկական կողմը ծայրաստիճան անհանգստություն հայտնեց սահմանում տիրող իրավիճակի կապակցությամբ: Այդ անհանգստությունը կիսվել է նախագահ Պուտինի հետ։ Եվ Նախագահ Պուտինը շեշտել է [Ռուսաստանի, Ադրբեջանի և Հայաստանի] եռակողմ համաձայնագրերի բոլոր դրույթների կատարման անհրաժեշտությունը։ Առաջին հերթին դրույթը, որում խոսվում է հրադադարի ռեժիմի անհրաժեշտության մասին», - ասել է Կրեմլի խոսնակը՝ պատասխանելով այն հարցին, թե Պուտինն ու Փաշինյանը քննարկե՞լ են ռազմական համագործակցության ընդլայնումը:

Նշենք, որ մայիսի 13-ի ուշ երեկոյան հայկական կողմի նախաձեռնությամբ Վլադիմիր Պուտինը հեռախոսազրույց է ունեցել ՀՀ վարչապետի պաշտոնակատար Նիկոլ Փաշինյանի հետ: Ռուսական կողմը վերահաստատել է ակտիվ միջնորդական ջանքերը շարունակելու և Երևանի ու Բաքվի հետ սերտ կապեր պահպանելու իր տրամադրվածությունը` տարածաշրջանում կայունություն ապահովելու նպատակով:

Մեկնաբանություններ


Համընկնող լուրեր