Հայտարարություն.Էրդողանի անհրավեր այցն Արցախի բռնազավթված տարածքներ, Շուշի,սպառնալիքի և ուժի ցուցադրման նոր փորձ է          Մոնտաժված խոսակցությունը եղել է 2020-ի նոյեմբերի 16-ի ուշ երեկոյան.իսկ ինչու հիմա վեր հանվեց       Նոյեմբերին հնարավոր է եղել բոլոր գերիներին վերադարձնել` մինչդեռ միտումնավոր «դրել է իր տակն» ու սպասել,չի համաձայնել. Ավագյան    

18 մայիս 2021 18:00

Եվրոպական խորհրդարանում հայ գերիների հարցի քննարկմանն դեմ Ադրբեջանը լոբբիստական գործունեություն է ծավալում

Եվրոպական խորհրդարանում մայիսի 20-ին Ադրբեջանում պահվող հայ ռազմագերիների հարցի քննարկման դեմ Ադրբեջանը լոբբիստական գործունեություն է ծավալում։

Ֆրանսիական Le Figaro ամսագրի փոխտնօրեն, լրագրող Ժան Քրիստոֆ Բուիսոնը թվիթերում գրել է, որ Եվրոպական խորհրդարանի անդամներին Ադրբեջանն ուղարկում է մտահոգիչ նամակներ ու ներկայացրել է նամակներից հատվածներ։

««Հակագրոհ» ու «հումանիտար իրավունքի հարգում» Արցախի պատերազմում՝ ՍՈՒՏ, կրոնական հուշարձանների պահպանում՝ ՍՈՒՏ»,-գրել է Բուիսոնը՝ ներկայացնելով ուղարկվող նամակներում Ադրբեջանի պնդումները, թե Ադրբեջանը «հակագրոհ» է իրականացրել ի պատասխան Հայաստանի հարձակման, Ադրբեջանը խստորեն պահպանել է միջազգային հումանիտար իրավունքը։

Նամակում ասվում է, թե Ադրբեջանի կառավարությունը հայտարարել է մշակութային ու կրոնական հուշարձանների պաշտպանության մասին ու որ իր բարի կամքն էլ ցույց է տալիս՝ թույլատրելով հայերին այցելել Դադիվանք, ու նաև սկսել է «նախկին ալբանական Ղազանչի եկեղեցու» վերանորոգումը։

Նշենք, որ նախօրեին USCIRF (ԱՄՆ միջազգային կրոնական ազատության հանձնաժողովը) մտահոգություն էր հայտնել Շուշիի Սուրբ Ամենափրկիչ Ղազանչեցոց եկեղեցու վիճակի հետ կապված, նշելով, որ «USCIRF-ն անհանգստացած է աղոթատեղիների և այլ կրոնական վայրերի ամբողջականության պահպանման վերաբերյալ զեկույցներով, ինչպիսիք են Շուշիի Հայ Առաքելական Ղազանչեցոց տաճարը, որի գմբեթները, կարծես, հանվել են՝ «վերականգնման» մասին լուրերի ֆոնին` առանց այս եկեղեցու հետևոդների ներդրման»։

Օրերս էլ ՄԱԿ-ի մամուլի խոսնակ Ստեֆան Դյուջարիկը վերահաստատել է Լեռնային Ղարաբաղ անխոչընդոտ մարդասիրական մուտքի անհրաժեշտությունը, նշելով, որ դա հնարավոր չէ Ադրբեջանի պատճառով:

Հիշեցնենք, որ Եվրոպական խորհրդարանի մայիսի 17-ից 20-ը կայանալիք առաջիկա նստաշրջանի օրակարգում է  «Հայաստանի և Ադրբեջանի միջև վերջին հակամարտության արդյունքում ռազմագերիների» վերաբերյալ բանաձևի նախագիծը։ Ռազմագերիների հարցի քննարկումը տեղի կունենա մայիսի 20-ին, որից հետո կլինի քվեարկություն։

Մեկնաբանություններ

Համընկնող լուրեր