Եթե Փաշինյանն իսկապես ստորագրեց գյուղի հանձնման մասին փաստաթուղթ, ապա իրավիճակը բոլորովին այլ ընթացք կստանա.Ադրբեջանի համար շատ ավելի կարևոր է գրավել Տիգրանաշեն գյուղը
Հայաստանում իրավիճակը, Փաշինյանի պաշտոնավարման ժամկետի ավարտով պայմանավորված, շարունակում է սրվել: Ավելին՝ հիմնական խնդիրը Սյունիքում սահմանին Ադրբեջանի զինված ուժերի կուտակումը չէ, ես, ընդհանուր առմամբ, կարծում եմ, որ սա ավելի շուտ հոգեբանական պահ է: Ի վերջո, նույնիսկ տեղային ռազմական գործողությունների բռնկման դեպքում մանևրի տեղ կա: Ադրբեջանի համար շատ ավելի կարևոր է գրավել Տիգրանաշեն գյուղը։ Այս մասին գրում է ռուսական Старше Эдды թելեգրամյան ալիքը։«Այն Երևանից 50 կմ է հեռու, և եթե Ադրբեջանի զինված ուժերը գրավեն այն, նրանք կտրելու են Հայաստանի ամբողջ հարավային հատվածը Երևանից, ներառյալ՝ ռուսական խաղաղապահ ուժերին, որոնք տեղակայված են հանրապետության հարավում: Ի դեպ, Ադրբեջանի զինված ուժերի վիժվածքները խոցել են ռուսական ռազմական ուղղաթիռն այս գյուղից ոչ հեռու, հավանաբար՝ ճանապարհի 10 կիլոմետր հեռավորությամբ: Արդեն գրեթե 7 ամիս է անցել՝ վիժվածքները չեն բռնվել և չեն պատժվում: Դե դա ուղղակի՝ որպես հիշեցում:
Կարծում եմ, որ Ադրբեջանի զինված ուժերը դեռևս չեն սկսել սադրանքներ Տիգրանաշենում` Մոսկվայի չափազանց կոշտ արձագանքի վախի պատճառով: Բայց եթե Փաշինյանն իսկապես ստորագրեց գյուղի հանձնման մասին փաստաթուղթ, ապա իրավիճակը բոլորովին այլ ընթացք կստանա: Հիմա ադրբեջանա-փաշինյանական կոալիցիայի տեղեկատվական կեղտանետներն ուղղված են Քոչարյանի դեմ: Ադրբեջանը միանգամայն հիմնավորված է համարում, որ եթե Ռոբերտ Քոչարյանը գա իշխանության՝ արմատապես կփոխի առկա իրավիճակը: Հայաստանի զինված ուժերին այժմ պակասում է ուժեղ կամային միակենտրոն ղեկավարումը և հստակ ծրագիրը. ինչ կլինի, եթե նրանք մտնեն, ինչ կլինի, եթե նրանք կրակ բացեն և այլն։ Եթե ռազմական հրամանատարության ուղղահայացը բերվի անհրաժեշտ դիրքի՝ դա ձեռնտու չի լինի Ադրբեջանին՝ ներկայիս սադրանքների պարագայում։ Հետեւաբար, նախագահական ընտրություններին նախորդող մեկ ամսվա ընթացքում Ադրբեջանի գլխավոր շտաբը կփորձի առավելագույնը ստանալ:
Դե ինչ, Հայաստանի վարչապետի ներկայիս պաշտոնակատարն ամբողջությամբ արդարացնում է իրեն առատաձեռնորեն տրված կանխավճարները: Ի վերջո, Փաշինյանի համար Բաքվի երաշխիքների կատարումը անմիջականորեն առնչվում է իր՝ ազատության մեջ մնալու և, ընդհանրապես, գոյատևելու հետ»,– գրում է թելեգրամյան ալիքը։
