Սա մեր՝ որպես ազգ և պետություն, անսահման խայտառակության ու ամոթի դարաշրջանն է, անարժանապատվության մղձավանջը          Մարտի 20-22-ը սպասվում է G2 կատեգորիայի գեոմագնիսական փոթորիկ.արձանագրվել է արեգակի բռնկում       Մարտի 19-ին և 20-ին կդադարեցվի բազմաթիվ հասցեների էլեկտրամատակարարումը    

27 մայիս 2021 11:58

Հայ-թուրքական սահմանին գտնվող Ջրափի գյուղում. իջևանատան պատին «Ալլահ Աքբար» և այլ գրություններ են հայտնաբերվել

Շիրակի մարզի Թուրքիային սահմանակից Ջրափի համայնքի «Սուրբ Աստվածածին» եկեղեցու հարևանությամբ գտնվող իջևանատան պատերին համայնքի բնակիչները «Ալլահ Աքբար» գրառումն են հայտնաբերել, և ոչ միայն: Տարօրինակ այլ գրություններ ևս եղել են, որոնք արագորեն ջնջվել են: Այս տեղեկությունը ԳԱԼԱ-ի հետ զրույցում հաստատեց Ջրափի համայնքի վարչական շրջանի ղեկավար Կամո Սարգսյանը:
Միայն թե նշեց՝ չգիտի, թե կոնկրետ ինչ էր գրված: Հարցադրմանը՝ փորձե՞լ են պարզել, թե ովքեր են թողել գրությունները, ինչ միջոցառումներ են ձեռնարկվել, Կամո Սարգսյանն ասաց, որ ինքն արդեն ջնջված տեսարանին է հանդիպել, բայց տարածք հրավիրվել է նաև ոստիկանության աշխատակից:


«Ես առավոտ եմ գնացել այնտեղ: Կեսն արդեն ջնջված էր: Դեմի A, L-ն էր երևում: Չեմ կարող գուշակել՝ ինչ էր գրված: Էն ձև էր մաքրված, որ էլ բան չէր երևում: Մնացածն էլ ես եմ մաքրել՝ տաչիլի քարով: Մոտս նաև խարտոց կար, որ քարերը կեղտոտ չերևային, մի հատ էլ խարտոցով նորից լրիվ մաքրել եմ: Երկու տառի վրա եմ խարտոցը տարել-բերել: Ռուսերեն A էր, մեկ էլ L: Էդ է եղել: Ոստիկանությունից էլ է մարդ եղել այստեղ»,- ասաց Կամո Սարգսյանը:

Մեկնաբանություններ


Համընկնող լուրեր