Մի խումբ ամերիկացի կոնգրեսականներ Ալիեւին իր ագրեսիայի համար պատժամիջոցներով են սպառնացել
ԱՄՆ մի խումբ կոնգրեսականներ դատապարտել են Ադրբեջանի կողմից Գեղարքունիքի մարզում իրականացված ագրեսիայի վերջին ակտը: Պետդեպարտամենտը պահանջել է պատասխանատվության ենթարկել Ալիեւի ռեժիմին եւ սպառնալ պատժամիջոցներով` վերջ տալու համար շարունակվող չարագործություններին: Այս մասին հաղորդվում է Ամերիկայի Հայ դատի հանձնախմբի ֆեյսբուքյան պաշտոնական էջում:«Մենք անհանգստացած ենք Գեղարքունիքի եւ նրա հարեւանության հայկական հողում ադրբեջանական ուժերի շարունակական գործողություններով, որոնք հանգեցրել են հայ զինվորների մահվան եւ եւս վեց մարդու առեւանգման: Անհրաժեշտ է, որ Պետդեպարտամենտը պատասխանատվության ենթարկի Ալիեւին իր ագրեսիայի համար:
Մենք շարունակելու ենք աշխատել Բայդենի վարչակազմի եւ մեր գործընկերների հետ՝ համոզվելու համար, որ Միացյալ Նահանգները կօգտագործեն մեր տրամադրության տակ գտնվող բոլոր դիվանագիտական գործիքները, ներառյալ՝ պատժամիջոցները, այդ վայրագությունները դադարեցնելու համար, ինչպես նաեւ նախատեսում ենք առաջ քաշել ԱՄՆ-ի կողմից ձեռնարկվելիք շոշափելի գործողությունների շարք՝ խաղաղության եւ հաշվետվողականության ապահովման նպատակով»:
