Մոսկվայից լավ են լսում ու հեռուն են տեսնում, այնտեղ գիտեն՝ ով կհաղթի ընտրություններում
Ռուսաստանաբնակ մեդիամագնատ և հրատարակիչ Արամ Գաբրիելյանովը տելեգրամյան իր ալիքում Հայաստանի առաջիկա արտահերթ խորհրդարանական ընտրությունների վերաբերյալ սոցհարցումների հերթական արդյունքն է հրապարակել։ «Ինչպես հայտնում են իմ աղբյուրները, որոնք, եթե մի բան էլ ասում են, ապա դրանց հետևում երկաթբետոնյա վստահություն կա, երեկ երեկոյան Մոսկվա է հասել Հայաստանի նախընտրական վիճակի վերլուծությունը: Համատեղ տեղեկանքը կազմել են բոլոր շահագրիգիռ ռուսական կառույցները: Ինքներդ եք հասկանում, որ տեղեկանքում եղած եզրակացությունը հայտնվել է այն մարդկանց սեղաններին, ում արգելված է խաբել, ու դրա համար այդ տեղեկանքի բովանդակության համար դրա կազմողները գլխով են պատասխանատու:
Եզրակացությունը միանշանակ է. ընտրություններում կհաղթի Ռոբերտ Քոչարյանը: Այս պահին Քոչարյանի օգտին կքվեարկի ընտրողների 32%-ը, Փաշինյանին ձայն կտա 24 %-ը:
Մոսկվայից լավ են լսում ու հեռուն են տեսնում»,- գրել է Արամ Գաբրիելյանովը:
