Հայաստանը պետք է սկսի քայլեր ձեռնարկել տարածաշրջանում վստահության բարձրացման ուղղությամբ
Հայաստանը պետք է սկսի քայլեր ձեռնարկել տարածաշրջանում վստահության բարձրացման ուղղությամբ: Այս ուղղությամբ առաջին կարևոր քայլը կարող է լինել ականապատ դաշտի քարտեզների փոխանցումը Ադրբեջանին:Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ մեկնաբանելով իրավիճակը Հարավային Կովկասում:
Ըստ Թուրքիայի առաջնորդի, դժվար թե Մոսկվան մտադրություն ունենա հետաձգել Զանգեզուրի միջանցքի ստեղծումը: Ընդհակառակը` կա աջակցության տրամադրություն:
«Մոսկվան նույնպես սատարում է այս գաղափարին, որը նշանակալի ներդրում կունենա տարածաշրջանի զարգացման գործում: Այս միջանցքը կծառայի ինչպես Հայաստանի, այնպես էլ Ադրբեջանի շահերին: Շուտով մենք երկկողմ հանդիպում կունենանք Պուտինի հետ», - ասել է նա:
Նախագահն ընդգծել է, որ Անկարան պատրաստ է քայլեր ձեռնարկել Կովկասի շրջանում համագործակցությունը զարգացնելու ուղղությամբ:
