Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

26 հուն 2021 11:33

ՉԹՕ-ներն ազգային անվտանգության հնարավոր սպառնալիք

Անհայտ թռչող օբյեկտները կարող են խնդիրներ ստեղծել ԱՄՆ ազգային անվտանգության համար, ասվում է ԱՄՆ ազգային հետախուզության զեկույցում, գրում է «ՌԻԱ Նովոստի»-ն:


«Անհայտ թռչող օբյեկտները խնդիր են ներկայացնում թռիչքների անվտանգության ոլորտում եւ կարող են մարտահրավեր հանդիսանալ ԱՄՆ ազգային անվտանգության համար: Անվտանգության ոլորտում հիմնական մտահոգությունն այն է, որ օդաչուները գործ ունեն ավելի ու ավելի ծանրաբեռնված օդային տարածքի հետ»,- ասվում է փաստաթղթում:




Մասնավորապես, սպառնալիք են ներկայացնում չբացահայտված օդային օբյեկտները, որոնք օտարերկրյա հակառակորդներից տեղեկատվություն հավաքելու հարթակներ են, պնդում են հետախուզության սպաները: Նրանք մտահոգված են նաեւ հնարավոր ապացույցներով, որոնք վկայում են, որ թշնամին կարող էր «խափանարար կամ հեղափոխական տեխնոլոգիա» մշակել:


Զեկույցը նշում է ենթադրյալ ՉԹՕ-ի դիտումների 144 դեպք, որոնք չի հաջողվել պատշաճ ձեւով բացատրվել: Միևնույն ժամանակ, միանշանակ եզրակացություններ չկան այդ երեւույթների բնույթի վերաբերյալ, եւ դրանց ուսումնասիրությունը ավելի շատ ժամանակ, ավելի համակարգված մոտեցում եւ զգալի միջոցներ կպահանջի, նշվում է զեկույցում:


Ընդ որում, հետախուզությունն առանձին շեշտում է, որ դիտված որոշ օբյեկտներ, ըստ երեւույթին, շարժվել են աերոդինամիկայի հայտնի օրենքներին հակառակ: Պենտագոնը, ազգային հետախուզության տնօրենի գրասենյակի օժանդակությամբ, վերլուծություն է անցկացրել եւ չի գտել որեւէ ապացույց, որ ՉԹՕ-ները երկրային հավանական հակառակորդների առաջադեմ տեխնոլոգիաներ են, բայց նաեւ չի բացառել դա:


Զեկույցում նաեւ ասվում է, որ ՉԹՕ-ների ըմբռնումը կարող է խոչընդոտվել սոցիոլոգիական կարծրատիպերի եւ վերահսկողության տեխնոլոգիայի թերությունների պատճառով: Փաստաթղթի հեղինակների կարծիքով՝ այդ երեւույթների ընկալման բարելավումը կարող է նպաստել «դաշնային կառավարության ողջ տարածքում հաշվետվողականության, տեղեկատվության հավաքագրման եւ վերլուծության բարելավմանը, ինչպես նաեւ բոլոր այդպիսի հաղորդագրությունների ստուգման պարզեցված գործընթացին»:


Սա կես դարի ընթացքում առաջին զեկույցն է ՉԹՕ-ի մասին, որն ԱՄՆ հետախուզությունը թողարկում է Կոնգրեսի խնդրանքով:


Մեկնաբանություններ


Համընկնող լուրեր