Տեսանյութ.Գլխից խփող եմ, ով ուզում է լինի դրա մեղավորը, առանց վարանելու կվերացնեմ, եթե մեր եղբայրները մնան Բաքվում. Անհետ կորած զինվորի հայր
Անհետ կորած զինվորների հարազատները ՀՀ վարչապետի պաշտոնակատար Նիկոլ Փաշինյանի հետ այսօր տեղի ունեցած հանդիպման ժամանակ պահանջել են ստեղծել հանձնաժողով։ «Փաստինֆո»-ի հաղորդմամբ՝ այդ մասին հանդիպումից հետ տեղեկացրել է անհետ կորած զինվորի հայրը՝ նշելով, որ Ն. Փաշինյանը տվել է իր համաձայնությունը։Հանձնաժողովը զբաղվելու է գերիների, անհետ կորած զինվորների հարցերով։
«Դեկտեմբերի 17-ին իմ տղան գերի է եղել, դեկտեմբերի 20-ին իմ տղային տեսել են վիրակապված, իսկ հիմա ինձ ասում են՝ ԴՆԹ-ն համապատասխանում է, երեխուդ պիտի հուղարկավորես: Ո՞վ է այս հարցով զբաղվում, թող պատժվի, ես առաջարկել եմ եկեք կախենք,ես չեմ հրաժարվում, գլխից խփող եմ»,- ասել է զինվորի հայրն ու ընդգծել.« Եթե մեր եղբայրները մնան Բաքվում, ով ուզում է լինի դրա մեղավորը, առանց վարանելու կվերացնեմ էս երկրից, կյանքը կխլեմ, չի կարող նման բան լինել, ես պայքարելու եմ, որ մեր երեխեքը հետ գան»:
Նա վստահեցրեց, որ գերիների թիվն ավելի շատ է, քան անհետ կորածներինը։
«Մարդիկ վիդեոներով հստակ տեսնում են, իրենց հորը ձերբակալել են, բայց իրեն ասում են ՝ զոհվել է, չկա:Իմ որդուն դեկտեմբերի 17-ին վիրահատել են, մեկ էլ դեկտեմբերի 20-ին հայտնվեց 60 օրվա «լխճված մարմին», ինչպե՞ս: Կրկնակի ԴՆԹ ենք տվել, դեռ չկա պատասխանը, ես իրենց պատասխանին էլ չեմ հավատում, դիտմամբ ամիսներով ձգձգեցին, ոսկորները հնեցրին, որ ԴՆԹ կոդ չանջատվի »,-ասել է զինվորի հայրը:
Նրա համոզմամբ՝ մեր երեխեքն այնտեղ են, թշնամին առևտուր է անելու մեր երեխեքով , արդեն անում է։
