Բողոքում են ադրբեջանցի զինծառայողները՝ իշխանություններն իրենց «ազատագրած» հողերի համար մեդալ չեն տվել, նույնիսկ հաշմանդամի կարգավիճակ չի շնորհվել
44-օրյա պատերազմի տասնյակ մասնակիցներ բողոքի ցույց են կազմակերպել Ադրբեջանի պաշտպանության նախարարության շենքի դիմաց. հայտնում է ադրբեջանական Turan հրատարակությունը:Նրանք բողոքել են, որ նախարարությունից աջակցություն չեն ստանում, և որ իրենց մասնակցությունը ռազմական գործողություններին չի գնահատվել: Ակցիայի մեջ ներգրավված են եղել Վարանդայում, Ջրականում, Հադրութում և Շուշիում ռազմական գործողություններին մասնակցած զինծառայողները:
Նրանք բողոքել են, որ իրենք մեդալներ չեն ստացել այդ քաղաքների «ազատագրման» համար, իսկ ոմանք էլ նշել են, որ իրենց վետերանի կամ հաշմանդամի կարգավիճակ չի շնորհվել:
