«Պողպատե մանդատն» իրոք որ գործում է՝Արմեն Չարչյանը կմնա կալանքի տակ
Վերաքննիչ քրեական դատարանը րոպեներ առաջ «Հայաստան» դաշինքի անդամ, «Իզմիրլյան» բժշկական կենտրոնի արդեն նախկին ղեկավար, բժիշկ Արմեն Չարչյանին կալանավորելու որոշման դեմ բողոքը մերժեց։ Չարչյանը կմնա կալանքի տակ։«Դատավոր Լուսինե Աբգարյանը դողացող ձայնով հրապարակեց դատավճիռը։ Այս որոշումը օրինական չէ։ Մենք հասկանում ենք, որ նրա վրա ճնշումներ են եղել, բայց ամեն դեպքում մենք դատարան ենք եկել արդարադատության համար։ Դրանք դատարանների նոր մոտեցումներն են, որոնք ոչ մի ընդհանուր բան չունեն իրավունքի հետ»,-ասաց Չարչյանի պաշտպան Արամ Վարդևանյանը։
Փաստաբանը հայտարարեց, որ Չարչյանի նկատմամբ ագրեսիվ քաղաքական հետապնդում է իրականացվում։ Միաժամանակ նա հավելեց, որ Առաջին ատյանի դատարանում շուտով կսկսվի գործի քննությունը, որի ընթացքում կներկայացվեն պաշտպանության բոլոր փաստարկները և արդար քննության դեպքում Չարչյանն ազատ կարձակվի:
Փաստաբան Էրիկ Ալեքսանյանն իր հերթին տեղեկացրեց, որ Չարչյանի նկատմամբ գործը քննելու է դատավոր Վահե Միսակյանը: Այն դեռ վարույթ չի ընդունվել, բայց հենց ընդունվի 8 օրվա ընթացքում դատական նիստ կհրավիրվի, որում կրկին կդիտարկվի խափանման միջոցի հարցը։ Ալեքսանյանը նկատեց, որ Չարչյանի առողջական վիճակը մնում է անփոփոխ, հետևաբար նրանք կրկին միջնորդելու են կալանքը չեղարկելու համար:
Փաստաբանը հայտարարեց, որ Չարչյանի նկատմամբ ագրեսիվ քաղաքական հետապնդում է իրականացվում։ Միաժամանակ նա հավելեց, որ Առաջին ատյանի դատարանում շուտով կսկսվի գործի քննությունը, որի ընթացքում կներկայացվեն պաշտպանության բոլոր փաստարկները և արդար քննության դեպքում Չարչյանն ազատ կարձակվի:
Փաստաբան Էրիկ Ալեքսանյանն իր հերթին տեղեկացրեց, որ Չարչյանի նկատմամբ գործը քննելու է դատավոր Վահե Միսակյանը: Այն դեռ վարույթ չի ընդունվել, բայց հենց ընդունվի 8 օրվա ընթացքում դատական նիստ կհրավիրվի, որում կրկին կդիտարկվի խափանման միջոցի հարցը։ Ալեքսանյանը նկատեց, որ Չարչյանի առողջական վիճակը մնում է անփոփոխ, հետևաբար նրանք կրկին միջնորդելու են կալանքը չեղարկելու համար:
Հիշեցնենք, որ տելեգրամյան մի ալիքում հրապարակվել էր ձայնագրություն, համաձայն որի՝ «Իզմիրլյան» բժշկական կենտրոնի տնօրեն Արմեն Չարչյանը հունիսի 18-ի առավոտյան աշխատակիցների հետ հանդիպմանը հորդորել է, որ աշխատակիցները պարտադիր կարգով մասնակցեն ընտրություններին։ Չարչյանը նշել է, որ եթե որևէ մեկը չմասնակցի ընտրություններին, ապա կիմանա այդ մասին։
Ձայնագրության հրապարակումից հետո հաշված ժամերի ընթացքում ՀՀ ՀՔԾ-ում հարուցվել է քրեական գործ՝ ՀՀ քրեական օրենսգրքի 154.2-րդ հոդվածի 4-րդ մասի 2-դ կետի հատկանիշներով, որի շրջանակներում նախ բերման են ենթարկել Չարչյանին և տեղափոխել ՀՔԾ, ապա ձերբակալելու որոշում կայացրել։
Պաշտպանները բողոք են ներկայացրել Չարչյանին ձերբակալելու մասին որոշման դեմ, ինչը բավարարվել է քվեարկության օրը և նա դատարանի որոշմամբ ազատ է արձակվել։
Հունիսի 21-ին դատախազությունը հաղորդագրություն տարածեց՝ նշելով, որ ԿԸՀ-ն բավարարել է Արմեն Չարչյանի նկատմամբ հետապնդում իրականացնելու և նրան ազատությունից զրկելու համաձայնություն տալու վերաբերյալ միջնորդությունները։ ԿԸՀ համաձայնությունը ստանալուց հետո ՀՔԾ֊ն մեղադրանք է առաջադրել Արմեն Չարչյանին՝ ՀՀ քրեական օրենսգրքի 154.2-րդ հոդվածի 4-րդ մասի 2-դ կետի հատկանիշներով և նրա նկատմամբ կալանավորումը որպես խափանման միջոց ընտրելու մասին միջնորդություն ներկայացրել դատարան, որը մասամբ բավարարվել էր դատավոր Արմինե Մելիքսեթյանի կողմից։ Ի դեպ, քրեական գործով նախաքննությունն ավարտվել է։ Քրեական գործն ուղարկվել է դատարան, մակագրվել է Երևանի ընդհանուր իրավասության դատարանի դատավոր Վահե Միսակյանին։
