Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

12 հուլ 2021 11:52

Դելտա շտամի պատճառով Pfizer-ը ցանկանում է COVID-19 պատվաստանյութի երրորդ չափաբաժին կիրառել

Pfizer-ը նախատեսում է դիմել ԱՄՆ-ի դեղամիջոցների ու սննդի վերահսկողության գերատեսչություն (FDA) հաջորդ ամսվա ընթացքում, որպեսզի վերջինս թույլատրի կիրառել COVID-19 պատվաստանյութի հավելյալ երրորդ չափաբաժինը: Դա կապված է հիվանդության խիստ վարակիչ Դելտա տարբերակի տարածման հետ։ Այս մասին գրում է Ամերիկայի Ձայնը։


Pfizer-ի ղեկավար մարմնի անդամ Միքայել Դոլստենն ասել է, որ վերջերս Իսրայելում արձանագրված պատվաստանյութի արդյունավետության անկումը հիմնականում պայմանավորված էր հունվար կամ փետրվար ամիսներին պատվաստված մարդկանց վարակմամբ: Երկրի առողջապահության նախարարությունը հայտնել է, որ հունիսին պատվաստանյութերի արդյունավետությունը ինչպես հիվանդության առկայության, այնպես էլ դրա կանխարգելման հարցում ընկել է 64 տոկոսով:


Pfizer-ի սեփական տվյալները Միացյալ Նահանգներից ցույց են տալիս, որ պատվաստանյութի արդյունավետությունը վեց ամսում նվազել է մինչև ավելի քան 80 տոկոս, ասում է Դոլստենը: Սակայն նա շեշտում է, որ Իսրայելից և Մեծ Բրիտանիայից ստացված տվյալները ենթադրել են տալիս, որ նույնիսկ նվազող հակամարմինների մակարդակով պատվաստանյութը մնում է չափազանց արդյունավետ ծանր հիվանդությունների դեմ:


Pfizer-ը նախկինում ասել էր, որ ամենայն հավանականությամբ, անհրաժեշտ կլինի կիրառել ուժեղացնող չափաբաժինը: Բայց որոշ գիտնականներ կասկածի տակ են դնում դրա անհրաժեշտությունը: Այս պահին FDA-ը հրաժարվել է որևէ մեկնաբանությունից Pfizer-ի ծրագրերի վերաբերյալ:


Ըստ նրա՝ ընկերության սեփական ուսումնասիրությունների վաղ տվյալները ընդգծում են երրորդ ուժեղացնող չափաբաժնի կիրառման անհնրաժեշտությունը, որի շնորհիվ հնարավոր է մեծացնել հակամարմինների մակարդակը հինգից տասն անգամ՝ համեմատած երկրորդ դեղաչափից հետո: Ընկերության ներկայացուցիչը կարծում է, որ այսպիսով հնարավոր կլինի ապահովել խոստումնալից պաշտպանություն համավարակից:

Մեկնաբանություններ


Համընկնող լուրեր