Խաղաղապահների դուրսբերումը բավականին հեշտ է. ինչպես եկել են, այնպես էլ կգնան, բայց շատ ծուղակներ կլինեն…. Ադրբեջանի նախկին ԱԳ նախարար
«Հայաստանի պաշտոնատար անձանց և քաղաքացիների կողմից Ադրբեջանի տարածք ցանկացած այցելություն մեր երկրի օրենքներից դուրս անընդունելի է, և այդ մասին արդեն բազմիցս խոսվել է։ ՀՀ վարչապետ Նիկոլ Փաշինյանի՝ իր գործողությունները շարունակելու փորձի տրամաբանական արդյունքը կլինի այն, որ Ադրբեջանը կոնկրետ քայլեր կձեռնարկի Լաչինի միջանցքի նկատմամբ սեփական վերահսկողության հաստատման ուղղությամբ»։Նման կարծիք է հայտնել Ադրբեջանի նախկին արտգործնախարար Թոֆիկ Զուլֆուգարովը Minval.az-ին տված հարցազրույցում, անդրադառնալով հայկական կառավարության հաղորդագրությանն այն մասին, որ Հայաստանի վարչապետի օգնականը մտադիր է այցելել Ստեփանակերտ:
Նրա խոսքով՝ Ադրբեջանը կոնկրետ միջոցներ կձեռնարկի` Լաչինի միջանցքի նկատմամբ հսկողություն սահմանելու համար:
Զուլֆուգարովը հիշեցրել է, որ Լաչինի միջանցքը չի նախատեսում արտատարածքայնություն, այլ ենթադրում է անվտանգության ռեժիմ մարդկանց համար, որոնք բնակվում են Ադրբեջանի տարածքում: Արտասահմանցիների համար այն փակ է։
Նա նշել է,որ մոնիթորինգային կենտրոնն ընդհանուր հսկողություն է անցկացնում,եւ նույնիսկ եթե չկա մանդատ, որը կհամակարգի նրանց գործունեությունը, նրանց գործառույթները հայտնի են:
«Երբ ասում են, թե խաղաղապահները կգնան, եւ ի՞նչ կլինի փոխարենը։ Մենք չենք կարող պարզապես տանկեր մտցնել եւ սկսել մաքուր էջից։ Չնայած կարող ենք դա անել: Շատ ծուղակներ կլինեն, եւ դրական գործընթացը կարող են օգտագործել մեր դեմ եւ մեզ մեղադրել նոր ցեղասպանության մեջ»,֊հայտարարել է Զուլֆուգարովը։
