Արյունով ուղեկցվող հազը չէ միայն վկայում թոքերի քաղցկեղի մասին.ախտանշաններ, որոնց մասին քչերին է հայտնի
Ոչ միայն արյունով ուղեկցվող հազն է վկայում թոքերի քաղցկեղի մասին։ Կան նաեւ այլ ախտանշաններ, որոնց մասին քչերին է հայտնի։Եղունգների փոփոխություն
Ինչպես տեղեկացնում է Daily Express պարբերականը, որոշ պացիենտների մոտ նկատվում են եղունգների փոփոխություններ՝ ծայրերը սկսում են սովորականից ավելի շատ ճկվել ներքեւ։
Ձեռքի ցավ
Թոքերի քաղցկեղի որոշ տարատեսակների ժամանակ կարող է լինել ձեռքի կամ ուսի ցավ, եթե հիվանդությունը տարածվել է նյարդերի վրա։
Ձայնի փոփոխություն
Ձայնի փոփոխությունը եւս կարող է վկայել թոքերի քաղցկեղի, ինչպես նաեւ քաղցկեղի որոշ այլ տարատեսակների մասին։ Մարդու ձայնը կարող է դառնալ ավելի խռպոտ, երբեմն հիվանդը կարող է սկսել իր համար անսովոր ձայներ արձակել։
Իջած կոպ
Իջած կոպը կարող է վկայել թոքերի քաղցկեղի առկայության մասին, այդ դեպքում տեղի է ունենում ճնշում նյարդերի վրա։
Մշտական ծարավ
Մշտական ծարավը եւ հաճախակի միզարտադրությունը ախտանշաններ են, որոնց բախվում է թոքերի քաղցկեղով հիվանդների մոտ 20 տոկոսը։
