Թուրքական կազմակերպության նախաձեռնությունն Արցախի օկուպացված տարածքներում          «Կառավարություն կոչվածը պետք է անհապաղ պարզաբանում տա Բաթումիում Փաշինյանի անհետացման վերաբերյալ»       Երևանում անհայտ մակնիշի և համարանիշի մեքենայով վրաերթի են ենթարկել ոստիկանության գնդապետի    

26 հուլ 2021 15:55

Պարեկը հանցագործին վնասազերծելու համար կարող է կիրառել ձեռնաշղթա, մահակ, ընդհուպ մինչեւ ատրճանակ

Պարեկները քաղաքացուն չէին ծեծել, լուսադեմին միջոցառում էին իրականացրել, որի ժամանակ թմրամիջոցների ազդեցության տակ գտնվող վարորդը գողացել էր ավտոմեքենան եւ շատ մեծ արագությամբ վարել էր: Այս մասին, այսօր՝ հուլիսի 26-ին, լրագրողների հետ հանդիպման ժամանակ նշեց Արդարադատության նախարարության միջազգային համագործակցության համակարգող, խորհրդական Ամալյա Հովսեփյանը՝ անդրադառնալով մամուլի տեղեկություններին, ըստ որի պարեկները ինչ-որ քաղաքացու էին ծեծել:

«Պարեկային ծառայությունը կարողացել էր ճիշտ վնասազերծել, այնուհետեւ ձերբակալություն իրականացնել: Հանցագործին վնասազերծելու համար պարեկային ծառայողը կարող է կիրառել տարբեր գործիքակազմ. Ընդհուպ մինչեւ մեքենան հարվածով կանգնեցնել՝ օգտագործելով իր ձեռքի տակ եղած միջոցները, որն ինքը ունի: Դա կարող է լինել մարտավարական հմտնություններ, նաեւ ձեռնաշղթա, մահակ, օդապղպեղամղիչ սարք, ընդհուպ մինչեւ ատրճանակ, եթե դրա կարիքը կա»,-ասաց նա:
Ամենացածր վարձատրվող պարեկը ստանալու է մոտավորապես 230 հազար դրամ եւ արդեն ըստ զբաղեցրած պաշտոնի՝ կրտսեր պարեկներ, պարեկներ եւ ավագ պարեկներ, աշխատավարձի հավելյալ մասը կստանան պարեկներն ու ավագ պարեկները: Այս մասին, այսօր՝ հուլիսի 26-ին, լրագրողների հետ հանդիպման ժամանակ նշեց Հայաստանի ոստիկանության պարեկային ծառայության պետ Արթուր Ումրշատյանը:

«Ոստիկանությունում ծառայությունը փորձառության ընթացքում հմտություններ ձեռք բերելու լուրջ խնդիր ունի: Մեր հասարակության պահանջն ավելի շատ է, ինչը բնական է, հասարակությունն ավելին է սպասում, մենք էլ ամեն ինչ անելու ենք այդ բարձր մակարդակի ծառայությունն ապահովելու համար»,-ասաց նա:

Իր հերթին Արդարադատության նախարարության միջազգային համագործակցության համակարգող, խորհրդական Ամալյա Հովսեփյանն ասաց. «Երբ քննադատություններ ենք լսում խաչմերուկներում երթեւեկության կազմակերպման հետ կապված, մեր հասարակությունը մտածում է, որ պարեկային ծառայությունը նույն ճանապարհային ոստիկանությունն է, մինչդեռ երթեւեկության հետ կապված գործառույթները պարեկային ծառայության գործառույթների ընդամենը 25-30 տոկոսն են կազմում»:

Մեկնաբանություններ

Համընկնող լուրեր