Դեղագործին ավելի քան մեկ դար ազատազրկում է սպառնում՝ պատվաստումների վկայականներ վաճառելու համար
Չիկագոյի դեղագործին (Իլինոյսի նահանգ) ձերբակալել են կորոնավիրուսի դեմ պատվաստման վկայականներ վաճառելու համար: ԱՄՆ Արդարադատության նախարարությունը երեքշաբթի հայտնել է, որ մեղադրանքի 12 կետերից յուրաքանչյուրի համար նրան կարող է սպառնալ մինչեւ 10 տարվա ազատազրկում:Գերատեսչության տվյալներով՝ 34-ամյա Չժաո Թանը այս տարվա մարտին եւ ապրիլին ԱՄՆ-ի Հիվանդությունների վերահսկման եւ կանխարգելման դաշնային կենտրոնների 125 վկայագրեր է վաճառել 11 տարբեր գնորդների առցանց հարթակի միջոցով: Պատվաստումների յուրաքանչյուր վկայագիր նա գնահատել է $ 10: Իշխանությունները նրան պետական սեփականությունը գողանալու մեղադրանք են ներկայացրել։
«Միտումնավոր կերպով վաճառելով պատվաստումների քարտերը չպատվաստվածներին, [չարագործը] միլիոնավոր ամերիկացիների վնասման կամ մահվան վտանգի տակ է դնում», - մամուլի հաղորդագրության մեջ նշվում է ՀԴԲ գործակալ Էմերսոն Բյուիի խոսքը, որը վարում է այս գործը, որը հավելել է, որ «մեր ժողովրդի անվտանգության համար նման փոքր գնի նշանակումը ոչ միայն վիրավորանք է նրանց, ովքեր իրենց ներդրումն են ունենում COVID - 19-ի դեմ պայքարում, այլեւ լուրջ հետեւանքներով դաշնային հանցագործություն է»:
