Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

18 օգոս 2021 11:37

Ալիևն ուղերձներ է հղում ոչ միայն մեզ. Հաշվի առնելով, թե ինչպիսի գերնպատակ է հետապնդում Ադրբեջանը, չի բացառվում, որ լարվածությունը կարող է ավելի մեծանալ

Ադրբեջանցիների գլխավոր նպատակը խաղաղության պայմանագրի կնքումն է իրենց ձեռնտու պայմաններով։  Sputnik Արմենիայի հետ զրույցում նման տեսակետ հայտնեց իրանագետ Արտյոմ Տոնոյանը։

Նրա խոսքով` կար սրան նախորդած հարաբերական դադարի փուլ, երբ Ալիևը չէր խոսում ներկայիս պարբերականությամբ։ «Այդ կարճատև դադարի ընդհատման պատճառը պետք է փնտրել ՌԴ-Ադրբեջան հարաբերությունների լարվածության համատեքստում, որը կապված է նաև սահմանազատման ու արցախյան հիմնախնդրի հետ»,–ասաց Տոնոյանը։

Ադրբեջանի նախագահ Իլհամ Ալիևը Քարվաճառ կատարած այցի ժամանակ հերթական սպառնալիքներն է ուղղել Հայաստանին և հայտարարել, որ Վարդենիսն ու Սյունիքի մարզն ադրբեջանական հողեր են:
«Ալիևն ուղերձներ է հղում ոչ միայն մեզ, այլև առաջին հերթին Ռուսաստանի Դաշնությանը, որ չի պատրաստվում հետ կանգնել իր ծրագրերից և առավել ևս պահանջներից։ Նրա ուղերձներն ուղղված են նաև միջազգային հանրությանը, քանի որ տարբեր մակարդակներում խոսվում է Լեռնային Ղարաբաղի կարգավիճակի և այդ թեմայով հանդիպումների անհրաժեշտության մասին։ Հետևաբար, Ալիևը հետպատերազմյան իր օրակարգն առաջ տանելով` փորձում է հետին պլան մղել արցախյան հիմնախնդիրը»,– ասաց իրանագետը։

Տոնոյանի կարծիքով` ադրբեջանական կողմն ակնկալում էր, որ Հայաստանում կայացած ընտրություններից հետո կարող էր լինել իրենց ձեռնտու լուծում, բայց հայկական կողմը չի ընդունում առաջադրված պայմանները, ինչն էլ բերում է նոր լարվածության։ Ըստ նրա` սահմանազատման խնդիրն ինքնանպատակ չէ, և այդ թեմայով ճնշում է գործադրվում ՀՀ–ի վրա, որպեսզի պաշտոնական Երևանը ճանաչի Ադրբեջանի տարածքային ամբողջականությունն ու վերջնականապես փակի արցախյան հակամարտության էջը։Տոնոյանի խոսքով` հաշվի առնելով, թե ինչպիսի գերնպատակ է հետապնդում Ադրբեջանը, չի բացառվում, որ լարվածությունը կարող է ավելի մեծանալ։

Մեկնաբանություններ


Համընկնող լուրեր