Չլինեին հեղափոխությունն ու ԽՍՀՄ փլուզումը, Ռուսաստանի բնակչությունը կկազմեր 500 միլիոն
Ռուսաստանի բնակչությունն այժմ կարող էր հասնել 500 միլիոնի, եթե 20-րդ դարում չլիներ երկրի երկու կազմալուծումը: Այդ մասին, ТАСС-ի փոխանցմամբ, «Օկեան» համառուսաստանյան մանկական կենտրոնում դպրոցականների հետ հանդիպման ժամանակ ասել է Ռուսաստանի նախագահ Վլադիմիր Պուտինը:«1917 թվականի հեղափոխությունից հետո Ռուսաստանի կայսրությունը դադարեցրել է իր գոյությունը: Ռուսաստանը կորցրել է հսկայական տարածքներ, աստիճանաբար վերականգնվել է, իսկ հետո տեղի է ունեցել նաև Խորհրդային Միության փլուզումը»,- հիշեցրել է Պուտինը:
«Եթե դրանք տեղի չունենային, մենք ուրիշ երկիր կունենայինք»,- ասել է նա:
Այժմ Ռուսաստանի բնակչությունը կազմում է շուրջ 146 մլն մարդ:
«Իսկ եթե այդ ողբերգությունները չլինեին, ապա կլիներ շուրջ 500 միլիոն», – շեշտել է Պուտինը։
