Լոսի Քիսոին՝ Քրիստինե Հալաջյանին «Տիգրան Մեծ» մեդալով պարգևատրումը մեծ դժգոհություն ու զայրույթ է հարուցել զոհվածների հարազատների շրջանում
Հանրությանը որպես Լոսի Քիսո հայտնի Քրիստինե Հալաջյանը «X զորամաս-թանգարանում» «Տիգրան Մեծ» մեդալով է պարգևատրվել ՀԱԲ-ի կողմից ( «Հայոց ազգային բանակ» ռազմական միավորում)։«Չգիտեմ, թե որ արժանիքիս համար, բայց ինձ «Տիգրան Մեծ» մեդալ տվեցին՝ ՀԱԲ-ի խորհրդի կողմից»,- իր ուղիղ միացման ժամանակ ասել է Քրիստինե Հալաջյանը։
Հիշեցնենք, որ «X զորամաս-թանգարանը» կառուցվել է ազատամարտիկ, պահեստազորի գնդապետ Աղաբեկ Խաչատրյանի՝ Գեներալ Բեկ-ի կողմից։
Լոսի Քիսոյի այս պարգևատրումը մեծ դժգոհություն ու զայրույթ է հարուցել զոհվածների հարազատների շրջանում, նրանցից մեկը մեզ ասաց, որ պահանջ են ներկայացնելու․ «Եթե պիտի այդ տարածում նման մարդիկ պարգևատրվեն, ապա թող մեր երեխաների նկարները հանեն այնտեղից»։
hraparak.am
