Ադրբեջանը և Թուրքիան մեզ համար շատ կարևոր և արժեքավոր են. «Թալիբան» ահաբեկչական շարժման ներկայացուցիչ
«Թալիբան» ահաբեկչական շարժման մամուլի քարտուղար Զաբիուլլահ Մուջահիդը հարցազրույց է տվել նախագահի աշխատակազմի ենթակայության տակ գործող ադրբեջանական կայքին և ասել, թե ինչ դեր են խաղում Ադրբեջանն ու Թուրքիան թալիբների համար:«Այս երկու երկրներն էլ մեզ համար արժեքավոր են, Ադրբեջանը մեզ համար շատ կարևոր է տնտեսական տեսանկյունից, և, բնականաբար, մենք ցանկանում ենք լավ հարաբերություններ ունենալ նրա հետ», - ասել է Մուջահիդը:
Ինչ վերաբերում է Թուրքիային, նա նշել է, որ Աֆղանստանը Թուրքիայի հետ երկկողմ հարաբերությունների երկար պատմություն ունի, ուստի թալիբները ցանկանում են դրանք հետագայում ընդլայնել:
«Երկու երկրների հետ լավ դիվանագիտական և տնտեսական կապերի պահպանումը շատ կարևոր է թալիբների համար» - ասել է Մուջահիդը:
