Հայկական իրավական կենտրոնը հայ գերիների անհետացումների վերաբերյալ նոր գործեր է ներկայացրել ՄԻԵԴ          Տեսանյութ.Շատ անհանգստություն կա, բայց դա իմ ոլորտում չէ. նախագահը`սահմանային իրավիճակի մասին       ԱԳՆ խոսնակը՝Փաշինյանի և Աիևի հանդիպման մասին    

25 սեպ 2021 18:49

Ռուսաստանցին Թրամփի հետ լուսանկարվելու համար վճարել է 100 հազար դոլար

Ռուսաստանցին Հանրապետական կուսակցության երկու հայտնի ներկայացուցիչներին 100 հազար դոլար է վճարել ԱՄՆ նախկին նախագահ Դոնալդ Թրամփի հետ լուսանկարվելու հնարավորություն ստանալու համար: CNN-ի տարածած լուրը ներկայացնում է «Գազետա ռու»-ն:

ԱՄՆ արդարադատության նախարարությունը նրանց մեղադրել է 2016 թվականին Թրամփի նախընտրական արշավի համար ռուսների կողմից դրամական միջոցների անօրինական տրամադրմանը նպաստելու մեջ:

Ինչպես նշում է հեռուստաընկերությունը, խոսքը 43-ամյա Ջեսի Բենթոնի և 75-ամյա Դագ Ուիդի մասին է, որոնք մեղադրվում են նախընտրական քարոզարշավի ֆինանսավորման օրենքները խախտելու, քարոզարշավին անօրինական ներդրումներ ապահովելու և իշխանություններին միտումնավոր կեղծիք տեղեկատվություն տրամադրելու մեջ:

Թրամփի հետ լուսանկարի համար վճարած ռուսաստանցու անունը չի հրապարակվում, սակայն քննիչները նշում են, որ նա Ուիդի բիզնես գործընկերն է: CNN-ը նշել է, որ նա ցանկանում էր լուսանկարվել քաղաքական գործչի հետ 2016 թվականի նախագահական ընտրությունների քարոզարշավի ընթացքում: Քաղաքական գործչի անունը չի բացահայտվում, սակայն ըստ Politico թերթի և Reuters լրատվական գործակալության վերլուծության, խոսքը գնում է Դոնալդ Թրամփի մասին:

Ըստ մեղադրական եզրակացության՝ Բենթոնն իրեն է թողել 75 հազար դոլար, իսկ մնացած 25 հազար դոլարը՝ նվիրաբերել է Թրամփի նախընտրական հիմնադրամին: 2016թ.-ի սեպտեմբերին Ֆիլադելֆիայում, այնուամենայնիվ, ռուսը նկարվել է քաղաքական գործչի հետ:

Դատարանի արձանագրություններում չեն նշվում, որ գործը կապված է դատախազության կողմից անցկացվող հետաքննության հետ, որն ուսումնասիրում է 2016 թվականի Թրամփի նախընտրական շտաբի և Ռուսաստանի միջև կապերը:

Ըստ մեղադրական եզրակացության՝ Թրամփի նախընտրական թիմը տեղյակ չի եղել, որ գումարն օտարերկրացու կողմից է նվիրաբերվել:

Մեկնաբանություններ

Համընկնող լուրեր