Թուրքիան փակել է իրանական բեռնատարների համար բոլոր անցակետերը
Թուրքիան փակել է բոլոր անցակետերն իրանական բեռնատարների համար։ Այս մասին հայտնել է Թուրքիայի՝ Իրանի հետ առևտրի զարգացման ասոցիացիայի ղեկավար Օզջան Ալասը։Թուրքական իշխանամետ «Yeni Akit» պարբերականը գրում է, որ Թուրքիայի այս գործողություններն այլ բան չեն, քան պատասխան Բաքվի և Անկարայի դեմ Իրանի կոշտ ու սադրիչ հայտարարություններին։
Ալասը հայտնել է, որ սկզբում թուրքական բեռնատարների արգելքն Իրանն էր սահմանել, Անկարան էլ ի պատասխան է նման որոշում կայացրել։
Նրա խոսքով՝ Իրանի և Ադրբեջանի միջև սահմանային լարվածությունն ամբողջովին դադարեցրել է Իրանի հետ Թուրքիայի առևտրաշրջանառությունը։
Աղբյուր` yeniakit.com.tr
