Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

20 հոկ 2021 14:35

Իսրայելը 1,5 մլրդ դոլար է հատկացրել Իրանի միջուկային օբյեկտների վրա հարձակման համար

Իսրայելի կառավարությունը 1,5 մլրդ դոլար է հատկացրել իրանական միջուկային օբյեկտների վրա հնարավոր հարձակմանը նախապատրաստվելու համար. հաղորդում է Իսրայելի Channel 12 հեռուստաալիքը:

Հեռուստաալիքի տվյալներով՝ 1 մլրդ դոլար կծախսվի այս տարի Իրանի վրա հավանական հարձակմանը բանակը նախապատրաստելու համար, իսկ հաջորդ տարի՝ 500 մլն դոլար: Ակնկալվում է, որ միջոցները կուղղվեն ինքնաթիռներին, հետախուզության հավաքագրմանը և լրացուցիչ միջոցներին՝ միջուկային օբյեկտներին հարվածներ հասցնելու համար: Հաղորդվում է, որ հետախուզություն կիրականացվի, այդ թվում՝ արբանյակների օգնությամբ: Իսրայելը հույս ունի, որ այս ծախսերը կհաստատվեն նոյեմբերին:

Իրանի վրա հարձակման համար Իսրայելի բյուջեի բյուջեի մասին լուրը հայտնի դարձավ օրեր անց այն բանից հետո, երբ ԱՄՆ ռազմաօդային ուժերը հայտարարեցին GBU-72 «Advanced 5K Penetrator» բետոնե ծակող հակաբունկերային ռումբի հաջող փորձարկման ավարտի մասին: Այս 2,5 տոննա կշռող ռումբը նախատեսված է Իրանի ստորգետնյա միջուկային օբյեկտները ոչնչացնելու համար:

Սակայն, ինչպես նշվել է, GBU-72-ը տեղափոխվում է կործանիչներով կամ ծանր ռմբակոծիչներով, իսկ Իսրայելը միջոցներ չունի նման արկերը փոխադրելու համար:

2009 թվականին GBU-28 բետոնե բունկերային ռումբերը գաղտնի վաճառվեցին Իսրայելին, որոնք ավելի թեթև են և ավելի քիչ կարող են վնաս հացնել Իրանի միջուկային կենտրոնին Ֆորդո քաղաքում, որը գտնվում է լեռների տակ:

Նշվում է, որ ցույց տալով GBU-72 ռումբի թողարկումը Ֆլորիդայի բազայում մոտ 11 հազար մետր բարձրությունից, ԱՄՆ ռազմաօդային ուժերը նպատակ ունեին զգուշացնել Իրանին և համոզել Թեհրանին վերադառնալ Վիեննայում միջուկային գործարքի բանակցություններին:

Ավելի վաղ Իսրայելի զինված ուժերի գլխավոր շտաբի պետ Ավիվ Կոխավին հայտարարել էր, որ իր երկիրը զգալիորեն արագացրել է իրանական միջուկային ծրագրերի դեմ գործողությունների նախապատրաստական աշխատանքները: Նրա խոսքով՝ Իսրայելի պաշտպանական բյուջեի մի զգալի մասն ուղղված է հենց դրան:

Այս տարվա հունվարին Կոխավին հայտարարեց, որ Իսրայելի բանակը նախապատրաստում է «նոր օպերատիվ ծրագրեր»՝ Իրանի դեմ հզոր հարվածներ հասցնելու համար: 

Մեկնաբանություններ


Համընկնող լուրեր