Երկարատեւ միայնությունը տղամարդկանց համար ավելի վտանգավոր է, քան կանանց համար          Երեկոյան ձյուն կգա, կցրտի       Հետ կանչել իր դեսպանին Բաքվից և արտաքսել Ֆրանսիայից Ադրբեջանի դեսպանին.CCAF-ը կոչ է արել Ֆրանսիայի իշխանություններին բացատրություն և ներողություն պահանջել Ադրբեջանից    

28 հոկ 2021 13:14

Պատրաստ ենք քննարկել Թուրքիայի հետ հարաբերությունների կարգավորումը.«Զանգեզուրի միջանցքի» մասին ՀՀ մոտեցումը հստակ է

«Պատրաստ ենք սկսել հարաբերությունները Թուրքիայի հետ, քննարկել հարաբերությունների կարգավորումը»,- այս մասին հայտարարեց ԱԽ քարտուղար Արմեն Գրիգորյանը՝ կառավարության նիստից հետո։


«Սրա մասին քննարկում ենք նաև Ռուսաստանի մեր գործընկերների հետ, թե ինչպես կարող է առաջ գնալ այս գործընթացը։ Կարծում եմ, առավել արդյունավետ կլինի, որ սկսենք այդ աշխատանքները, որովհետև և՛ մենք, և՛ թուրքական կողմը նշել ենք, որ կան դրական ազդակներ և կարող ենք սկսել հարաբերությունների կարգավորումը»։


Հայաստանի և Ադրբեջանի միջև փոխվարչապետերի մակարդակով կա աշխատանքային խումբ, որը զբաղվում է տարածաշրջանի ապաշրջափակման հարցով։ Քննարկվում է սկսել նաև սահմանների գծման գործընթացը։


«Այս հարցերը օրակարգում են և եթե Ադրբեջանը պատրաստակամություն ունենա գործընթաց սկսել և այն ավարտին հասցնել, պետք է որ որևէ խնդիր չլինի այդ հարաբերությունների կոնտեքստում»։


Գրիգորյանը նշեց, որ «Զանգեզուրի միջանցքի» մասին ՀՀ մոտեցումը հստակ է՝ միջանցքային տրամաբանություն չի քննարկվում։ Ադրբեջանի և Հայաստանի փոխվարչապետի մակարդակում՝ աշխատանքային խմբում, արձանագրված է, որ բոլոր ապաշրջափակվող ճանապարհները լինելու են տվյալ պետության սուվերեն տարածքը։


Մեկնաբանություններ

Համընկնող լուրեր