ԱՀԿ ղեկավարը զգուշացնում է նոր վիրուսի վտանգի մասին
Առողջապահության համաշխարհային կազմակերպության գլխավոր տնօրեն Թեդրոս Գեբրեեսուսը նախազգուշացրել է նոր վիրուսի հնարավոր ի հայտ գալու մասին, որը հնարավոր չէ զսպել:«Կենսաբանական տեսանկյունից կասկած չկա, որ մի օր կլինի մեկ այլ վիրուս, որը մենք պարզապես չենք կարողանա զսպել»,- Ռիա նովոստիի հաղորդմամբ, ասել է նա G20-ի առողջապահության և ֆինանսների նախարարների հանդիպման ժամանակ։
ԱՀԿ ղեկավարի խոսքով, անհրաժեշտ է դասեր քաղել ներկա համավարակից հաջորդին պատրաստվելու համար։
Ըստ նրա, համաշխարհային հանրությանն անհրաժեշտ է «ուժեղացված» ԱՀԿ, նոր ֆինանսական մեխանիզմ՝ ապահովելու պայքարը համաճարակների դեմ և ավելի լավ կառավարում՝ առողջապահական սպառնալիքների դեմ պայքարի ֆինանսավորման խորհրդի ստեղծման և համաճարակի համաձայնագրի ստորագրման միջոցով:
Ավելի վաղ ԱՀԿ ղեկավարն ասել էր, որ կորոնավիրուսային համաճարակը կավարտվի, եթե մարդկությունը որոշի դա անել, քանի որ աշխարհն ունի բոլոր անհրաժեշտ գործիքները հիվանդություններին հաղթելու համար։
