Չինաստանում գրանցվել է COVID-19-ի նոր բռնկում,կիրառվող միջոցներն առայժմ սպասված արդյունքը չեն տալիս,
Չինաստանում գրանցվել է COVID-19-ի նոր բռնկում. երկրի ներսում հայտնի է կորոնավիրուսով վարակման 93 նոր դեպքերի մասին։Ինչպես տեղեկացնում է «Ինտերֆաքսը»՝ հղում կատարելով ՉԺՀ առողջապահության պետական կոմիտեին, կորոնավիրուսը վերջին օրերին տարածվում է Չինաստանի հյուսիսում եւ հյուսիս-արեւելքում, Գանսու, Հեյլունցզյան նահանգներում եւ Ներքին Մոնղոլիա ինքնավար շրջանում։ Իշխանությունների տեղեկացմամբ՝ կիրառվող միջոցներն առայժմ սպասված արդյունքը չեն տալիս, եւ վիրուսը շարունակում է տարածվել, իսկ հիվանդացությունն ավելանում է։
Հոկտեմբերի 27-ին Հեյլունցզյան նահանգում, Հեյհե քաղաքում հաստատվել է նոր կորոնավիրուսային թոքաբորբի դեպք։ Ավելի ուշ պարզվել է, որ տեղի 3 բնակիչ եղել են վիրուսի անախտանիշ կրողներ։ Շուտով հայտնի է դարձել, որ Հեյհե բազմամիլիոնանոց քաղաքը փակ է եւ խիստ կարանտինի մեջ է կորոնավիրուսով վարակման գրանցված նոր դեպքերի պատճառով։
