Ծիծեռնակաբերդի խճուղու փլուզման պատճառ է հանդիսացել Դալմայում քաղաքաշինական նորմերի խախտմամբ հսկա թաղամասի կառուցումը, վտանգի տակ է Սարալանջի ճանապարհը          Տեսանյութ.Ես ցնցվում եմ, թե ինչպիսի ատելության խոսք կա Հայաստանում, օրինակ՝ ԱԺ-ում. ԵՄ դեսպան       Երեք պատերազմների մասնակից «Ժորա պապ»-ին մեղադրանք առաջադրվեց    

03 նոյ 2021 15:54

ՔԿՀ-ներում կորոնավիրուսով վարակված անձանցից 49-ը «Դատապարտյալների հիվանդանոցում» են

Արդարադատության նախարարության բոլոր քրեակատարողական հիմնարկներում Covid-19-ի հայտնաբերման համար նմուշառում է իրականացվել։ Տեղեկությունը հայտնում է քրեակատարողական ծառայությունը՝ հավելելով, որ «Գորիս», «Արմավիր» և «Դատապարտյալների հիվանդանոց» ՔԿՀ-ներում պահվող, դրական ախտորոշում ունեցող անձինք հսկողության համար տեղափոխվել են «Դատապարտյալների հիվանդանոցի» նախապես առանձնացված բաժանմունք։

«Ներկայումս ՔԿՀ-ներում պահվող, դրական ախտորոշում ունեցող 49 անձ գտնվում են «Դատապարտյալների հիվանդանոց» քրեակատարողական հիմնարկում, բժիշկների հսկողության ներքո»,-նշված է հաղորդագրության մեջ։

Բացի այդ, «Սուրբ Գրիգոր Լուսավորիչ» քաղաքացիական հիվանդանոցում այսօր մահացել է «Արմավիր» ՔԿՀ դատապարտյալ, 1980 թվականին ծնված Գ․Կ-ն։ Նրա մոտ հոկտեմբերի 31-ին ախտորոշվել էր Covid-19, հաջորդ օրը՝ նոյեմբերի 1-ին, ժամը 15։00-ին տեղափոխվել էր «Դատապարտյալների հիվանդանոց» ՔԿՀ, նույն օրը` ժամը 17։45-ին՝ «Սբ. Գր․ Լուսավորիչ» քաղաքացիական հիվանդանոց։ Մահվան հանգամանքները պարզելու նպատակով նախապատրաստվում են նյութեր, նշանակվել է դատաբժշկական փորձաքննություն։

Հիշեցնենք, որ այսօր ՀՀ արդարադատության նախարար Կարեն Անդրեասյանն էր ասել կալանավորի մահվան մասին և նշել, որ քննարկում են հրատապ միջոցներ ձեռնարկելու հարցը, որպեսզի գոնե ժամանակավորապես սահմանափակեն որոշակի շարժը ՔԿՀ–ներ։

Մեկնաբանություններ

Համընկնող լուրեր