Սաակաշվիլիի մոտ արյունոտ փսխում է սկսվել, սակայն բժիշկներին չեն թողնում նրա մոտ
Ուկրաինայի Գերագույն ռադայի՝ մարդու իրավունքների հարցերով լիազորված Լյուդմիլա Դենիսովան հայտարարել է, որ ուկրաինական քաղաքացիություն ունեցող Վրաստանի նախկին նախագահ Միխեիլ Սաակաշվիլիի մոտ երկուշաբթի երեկոյան արյունոտ փսխում է սկսվել, սակայն բժիշկներին չեն թողնում նրա մոտ, հայտնում է RIA Novosti-ն։Ավելի վաղ Դենիսովան հայտնել էր, որ Վրաստան է ժամանել՝ Սաակաշվիլիին այցելելու համար։
«Հայտնվել է տեղեկություն, որ բժշկական կոնսիլիումի անդամ Նինո Շարաշենիձեն վրացական իշխանություններին հայտնել է Սաակաշվիլիի բուժզննմանը բժիշկ-գաստրոէնտերոլոգի ներգրավման անհրաժեշտության մասին՝ կապված այն բանի հետ, որ նրա մոտ արյունոտ փսխում է սկսվել։ Սակայն արդեն երկրորդ օրն է՝ կոնսիլիումը հասանելիություն չունի Սաակաշվիլիին՝ համապատասխան ընթացակարգերի անցկացման համար»,-գրել է Դենիսովան իր տելագրամյան ալիքում։
Օմբուդսմենը նաև հավելել է, որ հույս ունի անձամբ ստուգել քաղաքացի Սաակաշվիլիի իրավունքների պաշտպանության վիճակը։ Նա դեռևս թույլտվություն կամ մերժում չի ստացել Վրաստանի արդարադատության նախարարությունից։
