Հետաքրքիր իրադարձություններ են ծավալվում մեր շուրջբոլորը, որոնք էապես կարող են փոխել տարածաշրջանային իրավիճակը          Ամերիկացի գիտնականներն առաջին անգամ մարդուն խոզի երկու երիկամ են փոխպատվաստել       Հակաբիոտիկները հարցի լուծում չեն.Բժիշկ Մյասնիկովն ասել է` ինչպես կարելի է տնային պայմաններում բուժել «Օմիկրոնը»    

04 դեկ 2021 12:07

Մենք վաղուց գիտենք Ռուսաստանի գործողությունների մասին, ես չեմ ճանաչում ոչ մեկի «կարմիր գծերը» Ուկրաինայի հարցում

ԱՄՆ նախագահ Ջո Բայդենը հայտարարել է, որ չի ընդունի որևէ մեկի «կարմիր գծերը» Ուկրաինայի հարցում և մտադիր է ՌԴ առաջնորդ Վլադիմիր Պուտինի հետ երկար զրույց ունենալ։ Այս մասին Բայդենը լրագրողներին ասել է Քեմբ-Դևիդի (Մերիլենդ նահանգ) իր նստավայր ուղևորվելուց առաջ, փոխանցում է Reuters գործակալությունը։


«Մենք վաղուց գիտենք Ռուսաստանի գործողությունների մասին։ Ակնկալում եմ, որ երկար զրույց կունենանք Պուտինի հետ»,-ասել է Սպիտակ տան ղեկավարը՝ խոսելով ռուս-ուկրաինական սահմանին տիրող իրադրության մասին։


Պետության ղեկավարը նաև մեկնաբանել է հայտարարությունն այն մասին, որ Ռուսաստանը «կարմիր գծեր» է համարում մասնավորապես ՆԱՏՕ-ի ենթակառուցվածքի մոտեցումը ռուսական սահմաններին, ինչպես նաև Ուկրաինայի տարածքում հարվածային համալիրների և հիպերձայնային զենքի տեղակայումը։


«Ես չեմ ճանաչում ոչ մեկի կարմիր գիծը»,-ընդգծել է Բայդենը։


Նոյեմբերի 2-ին ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Ուկրաինայի անդամակցությունը ՆԱՏՕ-ին «կարմիր գիծ» կդառնա Ռուսաստանի համար։


Մեկնաբանություններ

Համընկնող լուրեր