«Թուրքիայից մասնավոր ինքնաթիռ է վայրէջք կատարել «Զվարթնոց» օդանավակայանում». Արթուր Գրիգորյան          Ադրբեջանի, Վրաստանի և Կենտրոնական Ասիայի երկրների հետ փորձում ենք վերականգնել պատմական Մետաքսի ճանապարհը       Ադրբեջանն ու Թուրքիան կրկին համատեղ զորավարժություն են անցկացնում,մասնակցում են զինծառայողներ նաև Քաթարից, Ղազախստանից, Պակիստանից և Ուզբեկստանից    

10 դեկ 2021 11:50

Եթե ԱԳՆ-ն հայտնի, որ կիսում է Նիկոլ Փաշինյանի դիրքորոշումը, ուրեմն պետք է ժողովրդական զանգվածներին ոտքի հանել և սկսել հեղափոխություն

Հայաստանի վարչապետը երկու օր առաջ շատ հստակ ասաց, որ ինքը Արցախը հանձնելու է Ադրբեջանին։ Շատ պարզ ասաց` մենք կորցրել ենք Արցախը Ադրբեջանի կազմից դուրս որևէ տեսական ու գործնական հնարավորություն։ Այս մասին լրագրողների հետ զրույցում ասաց լրագրող, ազատագրական շարժման կազմակերպիչ Նաիրի Հոխիկյանը։

«Դրանից ավելի պարզ, ուրիշ ձևով ասել, նշանակելու էր` ես տալու եմ Արցախը։ Մենք եկել ենք ԱԳՆ և առաջին հերթին թույլ չենք տա, որ որևէ դավաճանական կառավարություն մեր հայրենիքի մի մասը հանձնի Ադրբեջանին։ ԱԳՆ-ից հստակ պահանջում ենք դիրքորոշում` արդյոք կիսում է Նիկոլ Փաշինյանի այդ խոսքերը, թե ոչ»։

Հոխիկյանը անդրադարձավ ոստիկանների կողմից իրենց մի քանի գործընկերներին բերման ենթարկելու գործողություններին՝ ընդգծելով, որ ոստիկանությունը հստակ պատվեր  է կատարում։

«Եթե ԱԳՆ-ն հայտնի, որ կիսում է Նիկոլ Փաշինյանի դիրքորոշումը, ուրեմն պետք է ժողովրդական զանգվածներին ոտքի հանել և սկսել հեղափոխություն։ Նիկոլ Փաշինյանը քաղցկեղ է, և պետք է ազատվենք այդ քաղցկեղից»։

Նշենք, որ Ազատագրական շարժումը բողոքի ակցիա է անում ԱԳ նախարարության շենքում, պահանջելով հստակ դիրքորոշում հայտնել օրեր առաջ ԱԺ ամբիոնից Նիկոլ Փաշինյանի` Արցախի վերաբերյալ հայտարարությանը։

Մեկնաբանություններ


Համընկնող լուրեր