Փաշինյանն անցել է Արցախը հանձնելու պայամանգրաիրավական ձևակերպումներին.
«Եթե ՀՀ ԱԱԾ-ին հաջողվեր ծայրահեղ հայրենասեր, ազգայնական հայ գործչի ներդնել Թուրքիայի կամ Ադրբեջանի ամնեաբարձր քաղաքական վերնախավում և նրա միջոցով պրոպագանդեր պորհայկական գաղափարներ, շատ մեծ ձեռքբերում կլիներ»,- «Հայելի» մամուլի ակումբում ասաց ՍԴ աշխատակազմի նախկին ղեկավար Էդգար Ղազարյանը՝ անդրադառնալով Ժիրայր Լիպարիտյանի գործունեությանը և շեշտեց, որ հայկական անվտանգության ծառայություններն այն չեն անում, այլ զբաղված են մեկ տարի առաջ դրոշը ծածանելու համար Նարեկ Մանթաշյանի ձերբակալմամբ։Նա հայտնեց, որ ՀՀ ԱԱԾ-ի նման պասիվությունը չի նշանակում, որ իր գործընկերները, այդ ուղղությամբ չեն աշխատում և հաջողություններ չունեն՝ ակնարկելով Ժիրայր Լիպարիտյանի՝ Հայստանում գտնվելու և պրոթուրքական հայտարարություններ տարածելու փաստը։
«Հիմա պարզվում է, որ Հայաստանում է գտնվում ոչ գրական հայերենով խոսող, հայի ազգանունով ԱՄՆ քաղաքացի, որն ունի Մասաչուսեթ նահանգի համալասարանի դասախոսի կարգավիճակ և ոչ մեկը չի հետաքրքրվում, թե նա Հայաստան որպես զբոսաշրջիկ է եկել, թե՝ գործուղման և ով է նրա տոմսը գնել»,-նկատեց Ղազարյանը։
Հարց բարձրացնելով, թե ինչու Լիպարիտյանը Հայաստանում չի եղել 5-10 տարի առաջ և միայն հիմա է եկել՝ բանախոսն ասաց. «Հերիք չէ այդ ԱՄՆ քաղաքացի, հայի ազգանունով, պրոֆեսոր կոչված, հայերեն խոսող մարդն այստեղ է, զուգահեռ նա ուղիղ շփումներ ունի ՀՀ ղեկավարության, վարչապետի, ԱԺ ՔՊ պատգամավորների հետ և ներկայացնում իր տեսակետները»։
ՍԴ աշխատակազմի նախկին ղեկավարն անդրադարձավ նախորդ օրը Ազատություն ռադիոկայանին տված Ժիրայր Լիպարիտյանի հարցազրույցին և մեջբերեց նրա հայտարարոթւյան այն հատվածը, որում ասել էր, թե ինքը հանդիպել է ԱՄՆ պետդեպարտամենտի ներկայացուցիչներին և նրանց հորդորել, որ սաստեն ՀՀ-ում ԱՄՆ դեսպանին, քանի որ վերջինս պատերազմից հետո բարձրացրել է Արցախի կարգավիճակի հարցը։
Ղազարյանը հիշեց 44-օրյա պատերազմը, դրան հաջորդած սահմանային միջադեպերը, հոկտեմբերի 16-ին Ադրբեջանի սանձազերծած ռազմական բախումը և նկատեց, որ այդ ամենից հետոլ Ժիրայր Լիպարիտյանը հայտարարում է, որ Թուրքիայից և Ադրբեջանից վտանգ չկա, իսկ այս պայմաններում էլ ԱԱԾ-ն ոչ թե իրեն է ձարբակալում, այլ՝ Նարեկ Մանթաշյանին և Նարեկ Սամսոնյանին։
ՍԴ աշխատակազմի նախկին ղեկավարը պնդեց, որ Նիկոլ Փաշինյանը հնազանդաբար կատարում է Ալիևի բոլոր հրահանգները և բերեց օրինակ, ըստ որի Ալիրը պահանջել էր Արցախի Հանրապետություն արտահայտությունը հանել շրջանառությունից, որից հետո ՀՀ կառավարության ծրագրից դուրս է եկել Արցախի Հանրապետություն ձևակերպումը։
Ղազարյանը հիշեց, որ ընդդիմադիր պատգամավորները նախաձեռնել էին, որ ԱԺ հանձնաժողովներից մեկի անվան մեջ լինի Արցախ բառը, բայց ՔՊ-ականները դեմ քվեարկեցին նախագծին։
Բանախոսը պնդեց, որ Նիկոլ Փաշինյանը կատարել է Նաև Ալիևի մեկ այլ պահանջ, ըստ որի ՀՀ-ից ոչ մի պաշտոնական այցելություն չպետք է լինի Արցախ և նկատեց, որ դրանից հետո ոչ միայն Փաշինյանը չի այցելել ԱՀ, այլ նման համարձակություն ունեցած ՀՀ պաշտպանության նախարարն այցից հետո պաշտոնազրկվել է։
Ամփոփելով խոսքը՝ Էդգար Ղազարյանը հայտարարեց. «Նիկոլ Փաշինյանն Արցախը փաստացի հանձնել է թշնամուն և հիմա անցել է դրա պայամանգրաիրավական ձևակերպումներին»։
