«Մեզ հունից հանել ա Փաշինյանի վերջին ասուլիսը»․ արցախցի
«Մեզ՝ հադրութցիներիս, հունից հանել ա Փաշինյանի վերջին ասուլիսը»,- այսօր լրագրողների հետ զրույցում ասաց Կառավարության շենքի դիմաց բնակարանի պահանջով բողոքի ակցիա իրականացնող արցախցիներից մեկը։«Չգիտեմ՝ ինչպես ա մտածում Հայաստանի կառավարությունը, ինչ հիմքերով ա էդ արտահայտությունն անում, որ պետք ա Արցախը մտնի Արդբեջանի կազմի մեջ․․․Ինչո՞ւ․․․ Արցախը ե՞րբ ա եղել Արդբեջանի կազմի մեջ։ Արցախն Ադրբեջանին ինչ-որ ժամանակահատված նվիրել են»,- ասաց նա։
«Լրիվ դեմագոգիա եմ համարում Արայիկ Հարությունյանի հակադիր պատասխանը։ Ինչ-որ անհասկանալի խաղեր են խաղում»,- նկատեց կինը։
Նրա խոսքով՝ ՀՀ իշխանությունը հոգ չի տանում ո՛չ արցախցիների, ո՛չ Հայաստանի ժողովրդի մասին։
