Տեսանյութ.Ամանորը դիրքերում. ժամկետային զինծառայողները զարդարում են տոնածառը՝ երազանքներ պահելով
Ավանդույթի համաձայն տոնական եղեւնու ճյուղերին խաղալիքներ կախելիս երազանքներ են պահում: Առաջնագծում զինվորի ու սպայի միակ երազանքը խաղաղությունն է, այն խաղաղությունը որը պետք է վերահաստատվի միայն մեր հաղթանակով:Առաջնագծում եւ դեպի մարտական հենակետեր տանող ճանապարհներին, հաճախ հակառակորդի անմիջական դիտարկման ներքո շուրջօրյա ինժեներական աշխատանքներ են իրականացվում:
Զորամասի հրամանատար Հրություն Ամիրխանյանի խոսքով, մեր խաչն է, պետք է պատվով կրենք:
«Եվ կեննցաղային առումով, եւ ինժեներական աշխատանքների առումով դիրքը բերվել է այն վիճակին, որ դիրքի անձնակազմը կարողանում է այնտեղ մնալ եւ հերթապահություն իրականացնել՝ անվտանգությունն ապահոված վիճակում: Վրանի տեսքով կացարան այլեւս չկա: Կամ քարե շինություններ են, կամ մոդուլային տնակներ, կամ վագոն տնակներ»,-ասաց նա:
Ժամկետային զինծառայողներից մեկն էլ նկատեց. «Էստեղ կանգնած իմ մորը, իմ քրոջն եմ պաշտպանելու, որ իրենք հանգիստ Նոր տարի նշեն»:
