ՈՒՂԻՂ․ Փարաքարում բախումներ՝ քաղաքացիների և ոստիկանների միջև, բնակիչները ներխուժեցին համայնքապետարանի բակ
Փարաքարում բախումներ են քաղաքացիների և ոստիկանների միջև, բնակիչները ներխուժել են համայնքապետարանի բակ։Ոստիկանական ուժեր են կենտրոնացվել։ Հավաքվածները պահանջոմ են արդարություն։ Ոստիկանները թույլ չեն տալիս մարդկանց մուտք գործել շենք։
«Համերաշխություն չկա»,-ասաց «Ապրելու երկիր» կուսակցության կողմից ընտրված Վալոդյա Գրիգորյանը ներս մտավ համայնքապետարանի շենք՝ այլ հարցերի չպատասխանելով։
«Համերաշխություն չկա»,-ասաց «Ապրելու երկիր» կուսակցության կողմից ընտրված Վալոդյա Գրիգորյանը ներս մտավ համայնքապետարանի շենք՝ այլ հարցերի չպատասխանելով։
Հիշեցնենք, որ դեկտեմբերի 5-ին կայացած ՏԻՄ ընտրությունների արդյունքում Փարաքար համայնքում «Ապրելու երկիր» կուսակցությունը 21 հոգանոց ավագանիում ստացել է 10 մանդատ, եւ 10 ձայնով նրանց թեկնածուն՝ Վոլոդյա Գրիգորյանը, ընտրվել է համայնքի ղեկավար: Թեեւ 10 ձայնը 50 տոկոսից քիչ է, սակայն «Ապրելու երկիր» կուսակցությունը պնդում է, որ եթե առաջադրված է մեկ թեկնածու, ապա նա կարող է ընտրվել 40+ տոկոս ձայներով:
Դրանից հետո եկել էին ավագանու մնացած 11 անդամները եւ 11 ձայնով համայնքապետ էր ընտրվել Դավիթ Մինասյանը, որը «Դավիթ Մինասյան» դաշինքի թեկնածուն է: Նրան էին ընտրել նաեւ ՔՊ-ի անդամները:
Դեկտեմբերի 23-ին «Ապրելու երկիր» կուսակցության աջակիցները հավաքվել էին Փարաքարի մշակույթի տան բակում, որտեղ պետք է տեղի ունենար իրենց թեկնածուի երդմնակալությունը, սակայն ոստիկանները նրանց թույլ չէին տվել մտնել շենք, և երդմնակալությունը դրսում էր կազմակերպվել: Նույն օրն էլ «Դավիթ Մինասյան» դաշինքը դատարան հայց էր ներկայացրել՝ ընտրությունների արդյունքները անվավեր ճանաչելու պահանջով: Վարչական դատարանը որոշում է կայացրել անվավեր ճանաչել Փարաքար համայնքի ղեկավարի ընտրությունների արդյունքները։
