Հայաստանին համոզել, որ «նրան կարող է փրկել ոչ թե ռազմավարական զենքը, այլ Ադրբեջանի ու Թուրքիայի երաշխիքները,Ժողովուրդները չեն կարող հավերժ ապրել պատերազմի եւ թշնամանքի մեջ          Թուրքերին զայրացրել է Netflix-ի սերիալը, որտեղ երկրի շրջանները որպես հայկական են նշված       ԱՄՆ դեսպանատունը Ալիևին նկարագրել է որպես «Կնքահայր» վեպի և ֆիլմի եղբայրական մաֆիոզներ Մայքլ և Սոնի Կորլեոնեի «խառնուրդ»    

15 հուն 2022 13:50

Ռուսաստանը ներխուժում է նախապատրաստում Ուկրաինա, հնարավոր է հարձակվի մինչև փետրվարի կեսերը. Սպիտակ տուն

Սպիտակ տան մամուլի քարտուղար Ջեն Փսակին հայտարարել է, որ, ըստ ԱՄՆ-ի, Ռուսաստանը կարող է ներխուժել Ուկրաինա ընթացիկ ամսաթվերից սկսած մինչև փետրվարի կեսերը։ «Կոմերսանտ»-ի հաղորդմամբ՝ այս մասին նա լրագրողներին ասել է ճեպազրույցում։


Փսակին մտահոգություն է հայտնել, որ «Ռուսաստանի կառավարությունը ներխուժում է նախապատրաստում»: «Մենք դա տեսել ենք նախկինում, այն մեզ հետ է տանում դեպի 2014 թվականը»,- ասել է նա` հավելելով, որ դիվերսիաները և տեղեկատվական գործողություններ են իրականացվում, որ Ուկրաինային մեղադրեն արևելյան Ուկրաինայում ռուսական ուժերի վրա մոտալուտ հարձակումներ նախապատրաստելու համար: Ռուսական ռազմական պլանների մեջ ռազմական ներխուժմանը նախորդող շաբաթների ընթացքում ակտիվություն է  ցուցաբերվում, և ներխուժումը կարող է սկսվել հունվարի կեսերից մինչև փետրվարի կեսերը:


Ավելի վաղ CNN-ը, հղում անելով ԱՄՆ-ի անանուն պաշտոնյային, հայտնել էր, որ Ռուսաստանը, իբր, աշխատանքային խումբ է պատրաստել՝ «Ուկրաինայի արևելքում կեղծ դրոշով օպերացիա» իրականացնելու համար: Ժամկետներ էին նշվում դարձյալ հունվարի կեսերից մինչև փետրվարի կեսերը: Ռուսաստանի նախագահի մամուլի քարտուղար Դմիտրի Պեսկովը, մեկնաբանելով այս հրապարակումները, ասել է, որ նման տվյալները ոչնչով չեն հաստատվում և անհիմն են։


Մեկնաբանություններ


Համընկնող լուրեր