Մենք ցանկանում ենք կարգավորել հարաբերությունները Հայաստանի հետ և շրջել թշնամության էջը          Երկար անկումից հետո դոլարն ու եվրոն թանկացան       Որևէ ծնողին մեկը մոտենա, բոլորիս հետ է գործ ունենալու,եթե 1 ժամից Գարիկ Գալեյանն ազատ չարձակվի, ապա բոլոր ծնողներով ներս են մտնելու շենք    

24 հուն 2022 19:45

Գործի են դրվել Իսկանդերները, որոնց թիրախում ինչպես Կիևն է, այնպես էլ եվրոպական մի շարք պետություններ.Ադրբեջանն ու Թուրքիան անպայման կօգտվեն մեծ բախումից

Վերջին 2 օրվա ընթացքում միայն Մեծ Բրիտանիայից մի քանի հազար տոննա զենք ու զինամթերք է տեղափոխվել Ուկրաինա։ Մեծ քանակության զենք Ուկրաինա են տեղափոխել նաև ԱՄՆ-ն, Գերմանիան և Թուրքիան։
 
Ռումինիայում տեղակայված ամերիկյան արտադրության մեծաքանակ տանկերը տեղափոխել են Ուկրաինայի սահման, նաև Սև ծովի առափնյա հատվածներ։
 
Իսպանիան և Թուրքիան միացել են ՆԱՏՕ-ի ռազմածովային ուժերին ու Սև ծովում մոտեցել Ռուսաստանի ափերին։ Իսկ ռուսները ակտիվորեն իրենց զորքերը տեղակայում են Ուկրաինայի սահմանին և Սև ծովի ափամերձ շրջաններում, երկինք են իրենց հանել լավագույն կործանիչները, ռազմական համար մեկ է տրված ռազմածովային ուժերին։
 
Բելառուսում զորավարժությունների անվան տակ գործի են դրվել մեզ հայտնի Իսկանդերները, որոնց թիրախում ինչպես Ուկրաինայի մայրաքաղաքն է, այնպես էլ եվրոպական մի շարք պետություններ։
 
Թուրքիան պաշտոնապես աջակցություն է հայտնել Ուկրաինային և շարունակում է մատակարարել Բայրաքթարներ և այլ զենքեր։
 
Ներքևում կդնեմ բոլոր նշածներիս տեսանյութերը՝ որպես փաստ։
 
Մի քանի տասնյակ երկրներ շտապ կարգով Ուկրաինայից տարհանել են իրենց դեսպանությունների աշխատակիցներին։
 
Եթե մենք և մեր իշխանությունները չենք հասկանում, թե ինչ է նշանակում այս ամենը, ապա գոնե պարտավոր ենք բանակում ծառայող մեր հարազատներին տեղեկացնել, որ ավելի ուշադիր լինեն առաջնագծում։ Ադրբեջանն ու Թուրքիան անպայման կօգտվեն իրադարձությունների տագնապալի զարգացումից և մեծ բախումից։ Չմեղադրեք խուճապ տարածելու համար։ Մենք կրկին թմրելու և ճակատագրական սխալ գործելու իրավունք չունենք։
 
Նաիրի Հոխիկյանի ֆեյսբուքյան էջից

Մեկնաբանություններ

Համընկնող լուրեր