Ո՞վ է իրական խաթարողը. Իրանի ԱԳՆ֊ի ուղերձը տեղադրված չէ ՀՀ ԱԳՆ֊ի կայքէջում
Անցած հոկտեմբերին Լիտվա կատարած այցի ժամանակ նիկոլ փաշինյանը «որոշ շրջանակաների» մեղադրեց, որ տարբեր նյութեր հրապարակելով փորձում եմ խաթարել Իրան-Հայաստան հարաբերությունները: «Որոշ շրջանակների» մասին խոսելով կարելի էր կռահել, որ նիկոլ փաշինյանն ակնարկում է Իրանի հայկական համայնքում իր ընդդիմախոսներին:Հիմա կարող է հարց ծագել, թե ինչո՞ւ հանկարծ հիշեցի կապիտուլյանտի այդ հայտարարությունը:
ԻԻՀ ԱԳ նախարարը կիրակի երեկոյան ուղերձ հղելով իր հայ գործընկերոջը նրան շնորհավորում է Իրան-Հայաստան հարաբերությունների 30-ամյակի կապակցությամբ:
Մինչև այս գրառման հրապարակման պահը (երեքշաբթի փետրվարի 8-ի ժամը 11:15) Իրանի ԱԳ նախարարի կողմից նման շնոտրհավորական ուղերձ ստացվելու մասին լուրը պաշտոնապես տեղադրված չէ ՀՀ ԱԳՆ կայքում:
Իրանի ԱԳ նախարարի շնորհավորական ուղերձին երկուշաբթի կէսօրին առաջինն անդրադարձել է Իրանում հրատարակվող «Ալիք» օրաթերթը, որն ի դեպ պատկանում է նիկոլ փաշինյանի ակնարկած «որոշակի շրջանակներին»:
Այնուհետև ավելի ուշ՝ ժամը 16-ին, դրան ադրադառնում է նաև «Արմենպրես»-ը, որ հավանաբար այդ մասին տեղեկացել էր «Ալիք» օրաթերթի հրապարակումից: Հայկական ԶԼՄ-ներն ավելի ուշ այդ մասին արդեն գրում են հղում կատարելով «Արմենպրես»-ին:
Սա նշեցի, որպեսզի ՀՀ վարչապետի պաշտոնը զբաղեցնող անձը հաջորդ անգամ ելույթ ունենալիս հիշի, թե ով է աջակցում հայ-իրանական հարաբերություններին, իսկ ով դրանց խաթարում իր անտարբերությամբ:
Ռոբերտ Մարգարյան
Իրավաբան
