Նախարարը՝ Հայաստանի դպրոցներում ադրբեջաներեն դասավանդելու մասին
Այս պահին Հայաստանում չեն պատրաստվում դպրոցներում ադրբեջաներեն դասավանդել, վստահեցնում է ԿԳՄՍ նախարար Վահրամ Դումանյանը։«Շատ ենք ցանկանում, որ որոշ դպրոցներում կարողանանք վրացերեն ուսուցանել. սա զուտ տարածաշրջանային մշակույթին, լեզուներին ծանոթ լինելու գործընթաց է, ինչո՞ւ եք ֆիքսվել հենց ադրբեջաներենի վրա, չեմ հասկանում», - լրագրողների հետ զրույցում ասաց նա՝ ընդգծելով, որ այս պահին Հայաստանի ուսումնական պլանում ադրբեջաներեն դասավանդելու հարց չկա։
Դումանյանը նշեց նաև, որ Ադրբեջանում շատ լավ տիրապետում են հայերենին։
