Տեսանյութ.Գնդակոծման ժամանակ ուկրաինացիներ են զոհվել, հավանաբար ռուս զինվորականները սկսել են վակուումային ռումբեր օգտագործել
Ուկրաինայի Սումիի շրջանի Ախտիրկա քաղաքում ռուսական «Գրադ»-ները հարվածել են զորամասին. ուկրաինացի զինվորների մեջ կան բազմաթիվ զոհեր: Այս մասին հայտարարել է Սումիի մարզային պետական վարչակազմի ղեկավար Դմիտրի Ժիվիցկին, գրում է Ուկրաինայի հատուկ հաղորդակցության և տեղեկատվության պաշտպանության պետական ծառայության մամուլի ծառայությունը։«Առնվազն 70 ուկրաինացի զինվոր է զոհվել Սումիի շրջանի Ախտիրկա քաղաքում ռուսական հրետանու կողմից զորամասի գնդակոծման ժամանակ»,- ասել է Ժիվիցկին։
Ինչպես գրում է korrespondent.net-ը, հավանաբար ռուս զինվորականները սկսել են վակուումային ռումբեր օգտագործել։ Ըստ նախնական տեղեկությունների՝ զորամասի վրա ընդհանուր առմամբ երեք վակուումային ռումբ է նետվել, փորձագետները տեղում հայտնաբերել են դրանց մնացորդները։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
Տեսանյութն այստեղ
