Ժամանակը չէ «փող քերել» տրանզիտային հոսքերից․Հայաստանն ունի բոլոր հնարավորությունները դառնալ տրանզիտային կենտրոններից մեկը ռուսական կողմի համար
Ռուսաստանը փաստացի հայտնվեց մասնակի շրջափակման մեջ։ Աշխարհի խոշորագույն ավիաընկերությունները հայտարարել են, որ դադարում են իրենց աշխատանքը Ռուսաստանում ։Դրան գումարած չեղարկվում են լիզինգային պայմանագրերը ռուսական ավիաընկերությունների հետ և սա լրջագույն խնդիր է, քանզի ռուսական խոշոր ավիաընկերությունների (АЭРОФЛОТ, S7, Уральские Авиалинии, Победа և այլն) տրամադրության տակ գտնվող ինքնաթիռների 80 տոկոսը լիզինգային են։
Պարզ է, որ այս պարագայում Հայաստանը ունի բոլոր հնարավորությունները դառնալ տրանզիտային կենտրոններից մեկը ռուսական կողմի համար։ Ցավոք, մեր «գերսուպերարեստավարժ» իշխանությունները թուրքերի և ադրբեջանցիների հետ զիլի-բիլի անելու տեղը տենց էլ «լայաղ» չարեցին լայնածավալ աշխատանքներ իրականացնել այդ ուղղությամբ, չնայած այսօր էլ ուշ չի։
Ի՞նչ է պետք անել։
Նվազագույնը ստեղծել մաքսիմալ կոմֆորտ պայմաններ ռուսական և արտասահմանյան ավիընկերությունների համար, այլ ոչ թե շուտ-շուտ «փող քերել» տրանզիտային հոսքերից և շտապ ընդլայնել հայկական օդանավակայանների տեխնիկական հնարավորությունները։
Մենակ չասեք «փող չկա», այս կարգի նախագծերի համար փող միշտ կգտնվի, նվազագույնը հրատապ ներդրումային ծրագրերի միջոցով։
Հ.Գ
Մի կարևոր բան ասեմ ,տրանզիտը կարելի է անել ոչ միայն հայասպան Թուրքիայի և Ադրբեջանի հետ ,այս պարզ միտքը կարող է շոկային լինի ՀՀ իշխանությունների համար ,բայց այնուամենայնիվ…
Արման Աբովյանի ֆեյսբուքյան էջից
