Իսկական ռուսը երբեք չի ամաչում ռուս լինելուց,մեր համաքաղաքացիները պետք է զգուշություն դրսևորեն իրենց նկատմամբ աճող ատելության պատճառով

«Արևմտյան մի շարք երկրներում ավելի ու ավելի է զգացվում ռուսների և ՌԴ քաղաքացիների հանդեպ ատելությունը։ Դա շատ վտանգավոր է, և մեր համաքաղաքացիները պետք է զգոն լինեն և համապատասխան զգուշություն դրսևորեն։ Իհարկե, մենք հույս ունենք, որ բոլոր երկրների իշխանությունները, այնուամենայնիվ, իրենց հայտարարություններից հետո «հող չեն պարարտացնելու» այդ ատելությունն ու ռուսատյացությունը ավելացնելու համար»,- ասել է Պեսկովը։
Նրա խոսքով` այլ երկրների ղեկավարների հետ բանակցություններում առայժմ այլ հարցեր են բարձրացվում, բայց ռուսատյացության արշավի աճը կարող է հանգեցնել նրան, որ Մոսկվան միջոցներ ձեռնարկի։
«Դժոխային ֆլեշմոբ». Զախարովան՝ եվրոպական երկրներում ռուսատյացության ալիքի մասին
«Այնտեղ այլ խնդիրներ են դրված, և աշխատանքները կենտրոնանում են այլ հարցերի վրա, բայց, անկասկած, ռուսատյացության արշավի այդ աճը, ի վերջո, մեզ կստիպի բավականին պարզ լեզվով կոչ անել երկրների ղեկավարություններին միջոցներ ձեռնարկել այդ արշավին վերջ տալու համար»,- հայտնել է Պեսկովը:
ՌԴ նախագահի մամուլի խոսնակն ընդգծել է, որ իսկական ռուսը երբեք չի ամաչում ռուս լինելուց։
«Եթե ինչ-որ մեկը նման բան է ասում, ուրեմն ինքը ռուս չէ, և նրա նկատմամբ ոչ մի պահանջ չկա: Նա մեզ հետ չէ», - ասել է Պեսկովը՝ արձագանքելով որոշ քաղաքացիների այն հայտարարությանը, թե ամաչում են, որ ռուս են։