ՄԱԿ-ը ապացույցներ ունի ռուսական կողմից կասետային ռումբերի օգտագործման վերաբերյալ
Միավորված ազգերի կազմակերպությունը հայտարարել է, որ իրենք ապացույցներ ունեն փետրվարի 24-ին Ուգլեդարի ռմբակոծության ժամանակ ռուսական կողմից կասետային ռումբերի օգտագործման վերաբերյալ: ՄԱԿ-ի գերագույն հանձնակատար Լիզ Տրոսելի այդ խոսքերը հրապարակել է «Ստրանա ուա»-ն։
«Փետրվարի 24-ին կասետային զինամթերք է պայթել կառավարության կողմից վերահսկվող Դոնեցկի Ուգլեդար քաղաքի կենտրոնական քաղաքային հիվանդանոցում, ինչի հետևանքով զոհվել է չորս խաղաղ բնակիչ, վիրավորվել 10 մարդ, վնասվել են շտապօգնության, քաղաքացիական մեքենաները և հենց հիվանդանոցը»,-ասել է նա:
Տրոսելը նաև մանրամասնել է, որ Խարկովի մի քանի թաղամասերում հրետակոծություններ են եղել, որոնց արդյունքում ինը խաղաղ բնակիչ է զոհվել։ Եվս 37 քաղաքացի վիրավորվել է։