Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

14 մար 2022 12:57

Ադրբեջանն ունի բնական գազի պաշարներ, և մեր պաշարները կբավարարեն 100 տարի

Ադրբեջանը մտադիր է մեծացնել Թուրքիայի տարածքով գազի մատակարարումները Եվրոպա և այդ հարցը քննարկում է Բաքվի և Բրյուսելի հետ, հայտարարել է երկրի էներգետիկայի նախարար Փարվիզ Շահբազովը։

«Բնական գազի մատակարարումները Եվրոպա կավելանան: Հարավային գազային միջանցքը չօգտագործված ներուժ ունի: Թուրքիայի հետ միասին մենք կարող ենք մեծ ծավալներով գազ մատակարարել Եվրոպա: Մենք այս հարցով կապի մեջ ենք ԵՄ-ի և մեր եղբայրական Թուրքիայի հետ»,- թուրքական Milliyet թերթի փոխանցմամբ՝ ասել է նա:

Նախարարը հավելել է, որ Ադրբեջանն ունի բնական գազի պաշարներ, որոնք ներքին սպառման և Եվրոպա մատակարարելու համար կբավարարեն 100 տարի շարունակ։

«Մենք ունենք 2,6 տրիլիոն խորանարդ մետր գազի պաշարներ, մենք կարող ենք բնական գազ մատակարարել մեզ, մեր գործընկերներին և Եվրոպային 100 տարի»,- մեջբերում է թերթը նրա խոսքերը։

2020 թվականի դեկտեմբերի 31-ին Ադրբեջանը սկսել է Անդրադրիատիկ գազատարով գազի առևտրային մատակարարումները Եվրոպա։

Մեկնաբանություններ


Համընկնող լուրեր