Մակրոնը Եվրոպային կոչ է արել պատրաստվել պատերազմի
Ֆրանսիայի նախագահ Էմանուել Մակրոնն ասել է, որ պետք է պատրաստվել Եվրոպայում պատերազմի՝ կոչ անելով եվրոպական երկրներին ավելացնել ներդրումները պաշտպանական արդյունաբերության մեջ։ Այս մասին հայտնում է ՏԱՍՍ-ը։ «Մեր ուժերը միակ լիարժեք բանակն են եվրոպական մայրցամաքում: Մենք պետք է ավելացնենք ներդրումները, որպեսզի պատրաստ լինենք բարձր ինտենսիվության հնարավոր զինված հակամարտությանը, որը կարող է սկսվել մեր մայրցամաքում»,- ասել է Մակրոնը։
Ֆրանսիայի Սենատի պաշտպանության և միջազգային հարցերի կոմիտեի ղեկավար Քրիստիան Կամբոնը նախօրեին ասել է, որ Ֆրանսիան գործնականում զինամթերքի պաշար չունի, և առկա քանակությունը բավարար է երեք-չորս օրվա լայնածավալ ռազմական գործողությունների համար:
