ԱՄՆ-ը խաբել է Ռուսաստանին, իրենց գոռոզամտությամբ հրաժարվեցին փոխզիջումների գնալ՝ առաջացնելով իրադարձությունների շղթայական ռեակցիա, ինչը հասցրեց այսօրվան
ԱՄՆ-ը դրժեց ՆԱՏՕ-ն չընդլայնելու Ռուսաստանին տված իր խոստումները և ներողություն չխնդրեց դրա համար, գրում է չինական «Գլոբալ թայմս» թերթը։Հոդվածի հեղինակը կարծում է, որ Վաշինգտոնը և նրա դաշնակիցները ԽՍՀՄ-ի և սոցիալիստական բլոկի փլուզումն ընկալել են որպես իրենց հաղթանակ և նոր աշխարհակարգի սկիզբ, որտեղ իրենք գերիշխելու են։ Ամերիկացի քաղաքագետ Ֆրենսիս Ֆուկույաման այս իրադարձություններն անվանել է «պատմության ավարտ»։
«Հետագայում Միացյալ Նահանգները դրժեց հետխորհրդային Ռուսաստանին տված իր խոստումները, որ ՆԱՏՕ-ն չի ընդլայնվի»,- նշված է հրապարակման մեջ։
Լրագրողի խոսքով՝ հակամարտության պատճառ են դարձել Հյուսիսատլանտյան դաշինքի և ԵՄ-ի փորձերը՝ ոտնձգություն իրականացնել ռուսական ազդեցության ոլորտների նկատմամբ։
«Միջազգային հարաբերությունների տեսության տրամաբանական առանձնահատկությունն է, ինչպես կրկնում է առաջատար գիտնական Ջոն Միրշայմերը, որում ուզում են մի երկրի թակարդը գցել և շրջապատել թշնամական ռազմական դաշինքով, որը ուղիղ ճանապարհ է դեպի հակամարտություն։ Արևմուտքը դրա համար ներողություն չի խնդրում՝ համարելով, որ իրավունք ունի դա անել «պատմության ավարտի» տրամաբանությամբ»,- կարծում է GT-ի հոդվածագիրը։
Նա նշում է, որ արևմտյան էքսպանսիան հրահրել է Եվրամայդանը Կիևում՝ առաջացնելով հակառուսական ազգայնականության ալիք, որը սկիզբ դրեց Ուկրաինայի ապագայի համար աշխարհաքաղաքական պայքարին։
«ԱՄՆ-ը և նրա դաշնակիցները իրենց գոռոզամտությամբ հրաժարվեցին փոխզիջումների գնալ՝ առաջացնելով իրադարձությունների շղթայական ռեակցիա, ինչը հասցրեց այսօրվան»,- եզրափակել է հեղինակը:
