Գնալ խնդրել ու ասել՝ եկեք խաղաղության դարաշրջան բացենք, անհասկանալի է, նշանակում է խաղաղապահների հեռացում
«Այլընտրանքային նախագծեր» խմբի կողից կազմակերպված՝ «Տնտեսական ռիսկեր, կյանքի դժվարացում» թեմայով քննարկման ժամանակ Էկոնոմիկայի նախկին նախարար, տնտեսագետ Կարեն Ճշմարիտյանը անդրադարձել է Հայաստանի վրա ռուս-ուկրաինական պատերազմի ունեցած հնարավոր հետևանքներին։Ճշմարիտյանը, առկա ռիսկերից առաջին հերթին առանձնացրել է անվտանգայինը։
«Թուրքական աշխարհի կողմից Ռուսաստանի համար երկրորդ ճակատ բացելու գաղթակղությունը արդիական է, իսկ դա Հայաստանին կանգնեցնում է զուտ գոյաբանական վտանգի առաջ։ Այս պայմաններում գնալ խնդրել ու ասել՝ եկեք խաղաղության դարաշրջան բացենք, անհասկանալի է, որովհետև խաղաղության դարաշրջան բացելը նշանակում է խաղաղապահների հեռացում։ Կա՞ Հայաստանում մեկ հոգի, ով գենետիկ հայ է և չի պակերացնում, թե խաղաղապահների հեռացումը ինչի կարող է հանգեցնել Արցախում, ապա Սյունքիում, Գեղաքունիքում, Տավուշում, դրանից հետո էլ ի՞նչ Երևան»,- ասաց Կարեն Ճշմարիտյանը։
Նա նշեց, որ տնտեսության մեջ առկա ռիսկերը և խնդիրները հետևանք են անվտանագային խնդիրների։
