Մահացել է Վլադիմիր Ժիրինովսկին
Մահացել է Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին: Այս մասին Telegram ալիքում հայտնել է ՌԴ Պետդումայի նախագահ Վյաչեսլավ Վոլոդինը.«Ծանր եւ երկարատեւ հիվանդությունից հետո մահացել է Վլադիմիր Վոլֆովիչ Ժիրինովսկին։
Վառ, տաղանդավոր քաղաքական գործիչ: Մարդ, ով խորապես հասկանում էր, թե ինչպես է կառուցած աշխարհը եւ շատ բան էր կանխատեսել։ Պետդումայում ՌԼԴԿ խմբակցության ղեկավար: Նա միշտ իրադարձությունների կիզակետում էր: Նրա անհատականությունն այնքան մասշտաբային է, որ առանց նրա դժվար է պատկերացնել ժամանակակից Ռուսաստանի քաղաքական համակարգի զարգացման պատմությունը։ Նրա գործունեության լավագույն գնահատականն ընտրողների մշտական աջակցությունն է։ Սա անդառնալի կորուստ է բոլորիս համար: Թող նրա պայծառ հիշատակը միշտ մնա մեր սրտերում»։
Նշենք, որ Ժիրինովսկին հոսպիտալացվել էր փետրվարի 2-ին՝ կորոնավիրուսի ախտորոշմամբ։
